சூர்யா நடிக்க இருப்பதாக சொல்லப்படும் பாலிவுட் படத்தில் அவருக்கு ஜோடியாக ஜான்வி கபூர் நடிக்க இருப்பதாக தகவல் வெளியாகியுள்ளது.
பாலிவுட் படம்
சிறுத்தை சிவா இயக்கும் கங்குவா படத்தில் நடிகர் சூர்யா தற்போது நடித்து முடித்துள்ளார். இப்படத்தின் ஷூட்டிங் முடிவடைந்துள்ள நிலையில், விரைவில் அவர் சுதா கொங்கரா இயக்கத்தில் ஒரு படத்தில் நடிக்க இருக்கிறார். இந்நிலையில் சமீபகாலமாக மும்பையில் அதிகமாக தங்கியிருக்கும் நடிகர் சூர்யா, விரைவில் நேரடி பாலிவுட் படமொன்றில் நடிக்க உள்ளதாக சொல்லப்படுகிறது. இதற்காக பாலிவுட்டின் முன்னணி இயக்குநர்கள் சிலரை சந்தித்து அவரின் மனைவி ஜோதிகா கதைகேட்டு வருவதாக சொல்லப்படுகிறது.
கதாநாயகி?
இதில் பாலிவுட் இயக்குநர் ராகேஷ் ஓம்பிரகாஷ் மெஹ்ரா இயக்கத்தில் ஒரு படத்தில் சூர்யா நடிக்க உள்ளதாக சொல்லப்படுகிறது. மகாபாரத கதையை மையப்படுத்தி உருவாகும் இந்தி படத்தில் சூர்யா கர்ணனாக நடிக்கப்போவதாகவும் செய்திகள் வெளியாகியுள்ளன. இதைப் படத்தின் இயக்குநரான ராகேஷும் ஒரு நேர்காணலில் அதனை உறுதி செய்துள்ளார். மேலும் இந்த படத்தில் கதாநாயகியாக மறைந்த நடிகை ஸ்ரீதேவியின் மூத்த மகளான ஜான்வி கபூர் நடிக்க உள்ளதாக சொல்லப்படுகிறது.
