நடிகர் அஜித்தின் தந்தை காலமான செய்தி அறிந்த நடிகர் விஜய் அவருக்கு நேரில் நேரில் சென்று ஆறுதல் கூறியுள்ளார். 
தந்தை மறைவு
நடிகர் அஜித்தின் தந்தை சுப்பிரமணியம் இன்று அதிகாலை உடல் நலக்குறைவால் காலமானார். இவரின் மறைவுக்கு திரையுலகினர், ரசிகர்கள் பலரும் இரங்கல் தெரிவித்து வருகின்றனர். இவரது இறுதி ஊர்வலம் சென்னை ஈஞ்சம்பாக்கம் வீட்டில் இருந்து பெசன்ட் நகர் மின்மயானத்திற்கு ஊர்வலமாக எடுத்து செல்லப்பட்டது. தந்தையின் இறுதி ஊர்வலத்தில் நடிகர் அஜித்குமாரும், அவரது குடும்பத்தினரும் பங்கேற்றனர். மின்மயானத்தை சென்றடைந்த சுப்பிரமணியத்தின் உடலை நடிகர் அஜித் தூக்கி சென்றார். பின்னர் அவரின் உடலுக்கு அஜித்தின் குடும்பத்தினர் சார்பில் குடும்ப வழக்கப்படி இறுதி சடங்கு செய்யப்பட்டது. இதனை தொடர்ந்து சுப்பிரமணியத்தின் உடல் தகனம் செய்யப்பட்டது.
நேரில் ஆறுதல்
இந்த நிலையில், நடிகர் அஜித்தின் தந்தை காலமான செய்தி அறிந்த நடிகர் விஜய் ஈஞ்சம்பாக்கத்தில் உள்ள அஜித்தின் வீட்டிற்கு நேரில் சென்று ஆறுதல் கூறியுள்ளார்.
