கங்குவா படத்தின் முதல்கட்ட படப்பிடிப்பு கொடைக்கானலில் முடிவடைந்துள்ளதையடுத்து அடுத்தக்கட்ட படப்பிடிப்பு சென்னையில் விரைவில் துவங்க உள்ளது.
பாலிவுட் நடிகை
சிறுத்தை சிவா இயக்கத்தில் சூர்யா நடிப்பில் உருவாகி வரும் திரைப்படம் கங்குவா. சூரரைப் போற்று, ஜெய் பீம் உள்ளிட்ட படங்களின் வெற்றிக்குப் பிறகு நடிகர் சூர்யா நடிப்பில் உருவாகி வரும் இந்த திரைப்படத்திற்கு அதிக எதிர்பார்ப்பு நிலவி வருகிறது. இப்படத்தில் சூர்யாவுக்கு ஜோடியாக திஷா பதானி நடித்து வருகிறார்.
மிகுந்த எதிர்பார்ப்பு
கங்குவா படத்தை ஸ்டுடியோ கிரீன் நிறுவனமும், யு வி கிரியேஷன்ஸ் நிறுவனமும் இணைந்து தயாரித்து வருகிறது. 3d தொழில்நுட்பத்துடன் உருவாகி வரும் இந்த திரைப்படத்தின் 50 சதவீத படப்பிடிப்புகள் முடிவடைந்துள்ளது. தேவி ஸ்ரீ பிரசாத் இசையமைதிருக்கும் கங்குவா திரைப்படம் 10 மொழிகளில் உருவாகி வருகிறது. அமேசான் OTT நிறுவனம் இந்த படத்தை ரூ.80 கோடி கொடுத்து வாங்கியுள்ளது. அதுவும் தமிழ், தெலுங்கு, கன்னடம், மலையாளம் ஆகிய மொழிகளுக்கு மட்டுமே இத்தனை கோடி கொடுத்து உரிமையை பெற்றுள்ளது. இப்படத்தின் படப்பிடிப்புகள் கொடைக்கானலில் விறுவிறுப்பாக நடந்து வந்தது. தற்போது கொடைக்கானலில் எடுக்கப்பட வேண்டிய காட்சிகள் அனைத்தும் படமாக்கப்பட்டுவிட்டதாக தகவல்கள் வெளிவந்துள்ளன.
ஷூட்டிங் நிறைவு
கங்குவா படத்தில் போஸ் வெங்கட், யோகி பாபு, கோவை சரளா உள்ளிட்ட பலரும் முக்கிய கதாபாத்திரத்தில் நடித்து வருகின்றனர். இந்த படத்தில் சூர்யா பத்து வேடங்களில் நடித்து வருகிறார். சமீபத்தில் அதிக உடல்எடை கூடிய சூர்யாவின் புகைப்படம் சமூகவலைத்தளத்தில் வைரலாக பரவியது. கொடைக்கானலில் ஷூட்டிங் நிறைவு பெற்றதைத் தொடர்ந்து அடுத்தகட்ட படப்பிடிப்பு சென்னையில் பிரம்மாண்டமான செட்டுக்கள் அமைக்கப்பட்டு விரைவில் ஷூட்டிங் துவங்க உள்ளது.
