நடிகர் விமல் நடித்திருக்கும் குலசாமி படத்தின் ரிலீஸ் தேதி மாற்றப்பட்டுள்ளது.
தாமதமாகும் படங்கள்
2004 ஆம் ஆண்டு முதல் சிறு கதாபாத்திரங்களில் நடித்து வந்த நடிகர் விமல், பசங்க படத்தின் மூலம் ஹீரோவாக அறிமுகமானார். ஹீரோவாக இவர் நடித்த முதல் படமே சூப்பர் ஹிட் ஆனது. அதன் பிறகு களவாணி. தூங்கா நகரம், கலகலப்பு, உள்ளிட்ட படங்கள் ஹிட் ஆனது. ஆனால் அதன் பிறகு வெளியான பல படங்கள் அனைத்தும் கலவையான விமர்சனங்களையே பெற்றது. இவரது நடிப்பில் மஞ்சள் குடை, லக்கி, எங்க பாட்டன் சொத்து, சண்டைக்காரி, குலசாமி உள்ளிட்ட பல படங்கள் தற்போது வெளியாவதில் தாமதமாகி வந்தது. குலசாமி திரைப்படத்தில் விமலுக்கு ஜோடியாக தான்யா ஹோப் நடித்துள்ளார். தான்யா ஹோப் ஏற்கனவே தாராள பிரபு, தடம், சமீபத்தில் வெளியான கப்ஜா உள்ளிட்ட திரைப்படங்களில் நடித்துள்ளார் என்பதும் குறிப்பிடத்தக்கது.
தேதி மாற்றம்
MIK ப்ரொடக்ஷன் தயாரிப்பில் , படத்தை இயக்கியுள்ளார் சரவண சக்தி. சமீபத்தில் குலசாமி திரைப்படம் வரும் 21ஆம் தேதி திரையரங்குகளில் வெளியாக இருப்பதாக அப்படக் குழுவினர் அதிகாரப்பூர்வமாக அறிவித்து இருந்தனர். ஆனால் தற்போது இப்படத்தின் ரிலீஸ் தேதி மாற்றப்பட்டுள்ளது. மே 5 ஆம் தேதி இந்த திரைப்படம் வெளியாகும் என்று அதிகாரப்பூர்வமாக சஞ்சித் சிவா ஸ்டுடியோஸ் அறிவித்துள்ளது. சமீபத்தில் இப்படத்தின் ஆடியோ மற்றும் டிரைலர் ரிலீஸ் ஆனதும் குறிப்பிடத்தக்கது.
