சூப்பர் ஸ்டார் ரஜினிகாந்த் தயாரித்து, நடித்த ‘பாபா’ திரைப்படம் இன்று மீண்டும் ரீ ரிலீஸாகியிருப்பதை அவரது ரசிகர்கள் கொண்டாடி வருகின்றனர்.
‘பாபா’
ரஜினிகாந்த் கதை, திரைக்கதை எழுதி, தயாரித்து நடித்திருந்த திரைப்படம் ‘பாபா’. கடந்த 2002-ம் ஆண்டு வெளியான இப்படத்திற்கு போதிய வரவேற்பு கிடைக்காமல் தோல்வி அடைந்தது. ‘பாபா’ திரைப்படத்தில் அரசியல் ரீதியிலான வசனங்கள் இருந்ததால் பெரும் பரபரப்பு ஏற்பட்டது. மேலும் ‘பாபா’ படத்துடன் ரஜினிகாந்த் நடிப்புக்கு முழுக்கு போடுகிறார் எனவும் பேசப்பட்டது.
கொண்டாட்டம்
இந்நிலையில் ‘பாபா’ படத்தை டிரிம்ங் செய்து மீண்டும் ரிலீஸ் செய்தால் நிச்சயம் வரவேற்பு கிடைக்கும் என்று நம்பிய ரஜினிகாந்த், ‘பாபா’ ரீ ரிலீஸாகிறது என்ற அறிவிப்பை வெளியிட்டார். அத்ன்படி ‘பாபா’ திரைப்படம் இன்று ரிலீஸ் செய்யப்பட்டது. படத்தைப் பார்க்க தியேட்டர்களுக்கு ரஜினி ரசிகர்கள் படையெடுத்தனர். ‘பாபா’ படத்தின் புது கிளைமாக்ஸை பார்த்த ரசிகர்கள், அதன் இரண்டாம் பாகம் வரும்? எனத் தோன்றுவதாக தெரிவித்துள்ளனர். ‘பாபா’ படத்தில் ரஜினிகாந்த்தை மீண்டும் திரையில் பார்த்த சந்தோஷத்தில் கண்ணீர் வருவதாகவும், 20 ஆண்டுகள் கழித்து அதே படத்தை அதே தியேட்டரில் பார்த்தது மிகுந்த மகிழ்ச்சி அளிக்கிறது உள்ளிட்ட பல்வேறு கருத்துக்களை ரசிகர்கள் சமூக வலைதளங்களில் கருத்துக்களை பதிவிட்டு வருகின்றனர். நடிகர் ரஜினிகாந்தின் மனைவி லதா ரஜினிகாந்த் தியேட்டருக்கு சென்று ரசிகர்களுடன் சேர்ந்து ‘பாபா’ படத்தை பார்த்து ரசித்தார்.
