நினைத்தாலே இனிக்கும் தொடரில் பொம்மி கதாப்பாத்திரம் கொல்லப்பட்ட பிறகு, என்ன திருப்பம் நடக்கும் என்று ரசிகர்கள் காத்துக்கொண்டு இருக்கின்றனர்.
டுவிஸ்ட் ப்ரோமோ
ஜீ தமிழ் தொலைக்காட்சியில் ஒளிபரப்பாகி வரும் நினைத்தாலே இனிக்கும் தொடர் ரசிகர்கள் மத்தியில் நல்ல வரவேற்பை பெற்று வருகின்றது. பரபரப்பாக நகரும் இந்த தொடருக்கு ஏராளமான ரசிகர்கள் உள்ளனர். இன்றைய எபிசோடில் பொம்மி இறப்பு ப்ரோமோவிற்கு பிறகு, இந்தத் தொடர் முடிவுக்கு வருமா? என்ற சந்தேகம் ரசிகர்கள் மத்தியில் எழுந்துள்ளது. நினைத்தாலே இனிக்கும் தொடரில் ஆனந்த் செல்வன் ஹீரோவாகவும், சுவாதி ஷர்மா ஹீரோயினாகவும் நடித்து வருகின்றனர்.
பேயாக நாயகி
ஹீரோயினாக இருக்கக்கூடிய பொம்மி இறந்த பிறகு இந்த சீரியல் எப்படி நகரும் என்று ரசிகர்கள் மத்தியில் குழப்பங்கள் இருந்து வந்த நிலையில், பொம்மி கதாபாத்திரம் ஆவியாக வந்து அனைவரையும் பழிவாங்கும் வகையில் கதை உருவாக்கப்படும் என்று கூறப்படுகின்றது. விறுவிறுப்பான டுவிஸ்ட்களுடன் ஒளிபரப்பாகி வரும் இந்த தொடரின் அடுத்தகட்ட திருப்பம், ரசிகர்களை கவருமா என்று குழப்பமாகவே உள்ளது. இந்நிலையில்,”இனிதான் ஆட்டம் ஆரம்பம்” என்று சீரியல் குழு தரப்பில் வெளியாகியுள்ள தகவல் பலருக்கும் இன்ப அதிர்ச்சியை கொடுத்துள்ளது. இதை அடுத்து ரசிகர்கள் பலரும் “இப்படி ஒரு டுவிஸ்டை எதிர்பார்க்கவில்லை” என்று கமெண்ட் செய்து வருகின்றனர். இந்த தொடரில் அடுத்த கட்டமாக பொம்மி பேயாக வருவாளா? அல்லது வேறு ஏதாவது டுவிஸ்ட் இருக்கின்றதா? என்பதை பொறுத்திருந்து தான் பார்க்க வேண்டும். ஜீ தமிழ் தொலைக்காட்சியில் தினமும் இரவு 10 மணிக்கு நினைத்தாலே இனிக்கும் தொடர் ஒளிபரப்பாகும் என்பது குறிப்பிடத்தக்கது.
