சிவகார்த்திகேயன் நடிப்பில் உருவாகி இருக்கும் ‘அயலான்’ திரைப்படம் தீபாவளிக்கு ரிலீஸ் ஆகுன் என படக்குழு அறிவித்துள்ளது.
ரிலீஸ்
சிவகார்த்திகேயன் மற்றும் ரகுல் ப்ரீத் சிங் முக்கிய வேடங்களில் நடித்துள்ள திரைப்படம் ‘அயலான்’. ஆர். ரவிக்குமார் இயக்கத்தில், ஏ.ஆர்.ரஹ்மான் இசையில் உருவாகியிருக்கும் இத்திரைப்படம் இந்த வருட தீபாவளி பண்டிகைக்கு வெளியாகிறது.
கடின உழைப்பு
இதுகுறித்து KJR ஸ்டுடியோஸ் கோட்டபாடி ஜே. ராஜேஷ் பேசுகையில்; “இந்த திரைப்படத்தை இடைவிடாத கடின உழைப்பை செலுத்தி படமாக்கியுள்ளோம். பல தடைகளை தாண்டி “அயலான்” திரைப்படத்தின் தரத்தில் சமரசம் செய்ய விரும்பாத நாங்கள், படத்தின் CGI காட்சிகளுக்கு பெரும் மெனக்கெடலுடன் பணி புரிந்துள்ளோம். அயலான், ஒரு பான்-இந்தியன் திரைப்படத்திற்கு அதிக எண்ணிக்கையிலான CGI காட்சிகளைக் கொண்டிருக்கும் திரைப்படமாக உருவாகியுள்ளது. திரைப்படம் கச்சிதமாக முழுமையடைய எங்களுக்கு போதிய நேரம் தேவைப்பட்டது. திரைப்படம் முழுவதும் வரும் வேற்றுகிரகவாசி கதாபாத்திரம் அனைவரும் விரும்பும் வகையில் காட்சிப்படுத்தபட்டுள்ளது. மேலும், 4500+ VFX காட்சிகளைக் கொண்ட இந்திய சினிமாவின் முதல் முழு நீள லைவ்-ஆக்சன் திரைப்படமாக ‘அயலான்’ இருக்கும் என்பதை உங்களுக்குத் தெரிவிப்பதில் எங்களுக்கு மிகுந்த மகிழ்ச்சி அளிக்கிறது. உங்களது பொறுமை மற்றும் இடைவிடாத ஆதரவிற்காக அனைத்து ரசிகர்களுக்கும் நன்றி தெரிவிக்க விரும்புகிறோம்” என்று கூறினார்.
