மடோன் அஸ்வின் இயக்கத்தில் உருவான திரைப்படம் ‘மாவீரன்’. சிவகார்த்திகேயன், அதிதி ஷங்கர், மிஷ்கின், சரிதா, யோகி பாபு உள்ளிட்ட பலர் நடித்துள்ள இப்படம், கடந்த 14 ஆம் தேதி திரையரங்குகளில் வெளியாகி ரசிகர்களின் பெரும் ஆதரவை பெற்றது. ‘மாவீரன்’ திரைப்படம் வெளியாகிய 4 நாட்களில் ரூ.50 கோடி வசூலித்ததாக அதிகாரப்பூர்வ அறிவிப்பு வெளியானது. இதனையடுத்து ‘மாவீரன்’ திரைப்படத்தின் வெற்றிக்காக நன்றி தெரிவிக்கும் நிகழ்ச்சி சென்னையில் இன்று நடைபெற்றது. இதில் கலந்துகொண்டு பேசிய நடிகர் சிவகார்த்திகேயன், விஜய்சேதுபதியுடன் இணைந்து நடிக்க விரும்புவதாகவும், அது விரைவில் நடக்கும் எனவும் கூறினார்.
