விஜய் நடிப்பதை சிறிது காலம் நிறுத்திவிட்டு தீவிர அரசியலில் களமிறங்க உள்ளதாக தகவல் வெளியாகியுள்ளது.
படப்பிடிப்பு விறுவிறுப்பு
தமிழ் ரசிகர்களுக்கு மட்டுமில்லாமல் அனைவருக்கும் பிடித்த நடிகராக விஜய் இருந்து வருகிறார். ஆரம்பத்திலிருந்து இப்போது வரை தனக்கென ஒரு ரசிகர்கள் பட்டாளத்தையே உருவாக்கி வைத்திருக்கும் விஜய், முன்னணி ஹீரோக்களின் லிஸ்டில் டாப்பில் இருக்கிறார். தற்போது லோகேஷ் கனகராஜ் இயக்கி வரும் ‘லியோ’ படத்தில் விஜய் நடித்து வருகிறார். அதனைதொடர்ந்து வெங்கட் பிரபு இயக்கத்தில் தளபதி 68 படத்தில் விஜய் நடிக்க இருக்கிறார். அதன் படப்பிடிப்பு விரைவில் தொடங்க இருக்கிறது. 
தீவிர அரசியல்?
இந்நிலையில், தளபதி 68 படத்தை முடித்த பிறகு விஜய் நடிப்பதை சிறிது காலம் நிறுத்திவிட்டு தீவிர அரசியலில் களமிறங்க உள்ளதாக தகவல் வெளியாகியுள்ளது. 2024 மே மாதத்திற்குள் வெங்கட் பிரபு உடனான படத்தை நிறைவு செய்துவிட்டு 2025 ஆம் ஆண்டு முழுவதும், மக்கள் இயக்கம் மற்றும் களப்பணிகளில் கவனம் செலுத்த உள்ளதாகவும் கூறப்படுகிறது. சட்டமன்ற தேர்தல் நடைபெற உள்ள 2026 ஆம் ஆண்டில் மாநாடுகள் நடத்த உள்ளதாகவும், அடுத்த ஆண்டு நடைபெற உள்ள நாடாளுமன்ற தேர்தலில், விஜய் கவனம் செலுத்தப் போவதில்லை எனவும் தகவல் வெளியாகியுள்ளது. மேலும் விஜய்யின் அரசியல் பயணம் குறித்து விரைவில் அதிகாரப்பூர்வ அறிக்கை வெளியாக உள்ளதகவும் கூறப்படுகிறது.
