தெலுங்கு மற்றும் கன்னடத்தில் உருவாகி வரும் மல்லி பெல்லி படத்தின் டீசர் ரசிகர்களை வெகுவாக கவர்ந்துள்ளது.
டிரெண்டிங் டீசர்
தெலுங்கு மற்றும் கன்னடத்தில் பைலிங்குவெல் படமாக உருவாகிக் கொண்டிருக்கும் திரைப்படம் மல்லி பெல்லி. இப்படத்தில் முக்கிய கதாபாத்திரத்தில் நரேஷ் மற்றும் பவித்ரா லோகேஷ் நடித்துள்ளனர். எம்.எஸ். ராஜு இயக்கியிருக்கும் இந்த திரைப்படத்தில், வனிதா விஜயகுமார் முக்கியமான கதாபாத்திரத்தில் நடித்துள்ளார். இப்படத்தின் டீசர் சமீபத்தில் வெளியானது. விறுவிறுப்பாக இருக்கும் இந்த டீசர் டிரெண்டிங் லிஸ்டில் இருக்கிறது.
வனிதாவுக்கு துரோகம்
மல்லி பெல்லி படத்தில் நரேஷ் மனைவிக்கு துரோகம் செய்வது போல கதை அமைந்துள்ளது. இதை தெரிந்து கொண்ட மனைவியான வனிதா விஜயகுமார், பொறுக்க முடியாமல் மீடியாவிற்கு நரேஷின் சுயரூபத்தை வெளிப்படையாக கூறுகிறார். இதனால் ஏற்படும் பிரச்சனைகளை இப்படத்தின் கதை. இந்த படத்தில் நரேஷுக்கும் பவித்ராவிற்கும் முத்த காட்சியும் இடம் பெற்றுள்ளது. விறுவிறுப்பாக இருக்கும் இந்த படத்தின் டீசர் ரசிகர்கள் மத்தியில் நல்ல வரவேற்பை பெற்றதுடன் படத்தின் மீது உள்ள ஆர்வத்தையும் அதிகரித்துள்ளது. கன்னடத்தில் மாத்தே மதுவே என்ற பெயரில் உருவாகியுள்ள இந்த திரைப்பட, மே மாதம் திரைக்கு வர இருக்கிறது என்பது குறிப்பிடத்தக்கது.
