மார்வெல்ஸ் படத்தின் டிரைலருக்கு கலவையான விமர்சனங்கள் வருவதால் ரசிகர்கள் அதிர்ச்சியில் உள்ளனர்.
கலவையான விமர்சனம்
ஹாட்ஸ்டாரில் வெளியாகும் மிஸ் மார்வெல் தொடருக்கு ஏராளமான ரசிகர்கள் உள்ளனர். 2019 ஆம் ஆண்டு வெளியான கேப்டன் மார்வெல் படத்தில் இமான் வெல்லனி தனது கதாபாத்திரத்தில் அசத்தலாக நடித்திருந்தார். கடைசியாக வெளியான எபிசோடில் அடுத்து வர இருக்கும் படத்திற்கான டீசருடன் முடிவடைந்தது. தொடர்ச்சியாக தற்போது மார்வெல்ஸ் படத்தின் டிரைலர் சமீபத்தில் வெளியாகி உள்ளது. இந்த புதிய தொடரில் மூன்று பெண்கள் முக்கிய கதாபாத்திரத்தில் சூப்பர் ஹீரோக்களாக நடித்துள்ளனர். ஆனால் இந்த ட்ரெய்லருக்கு கலவையான விமர்சனங்கள் வருவதால் ரசிகர்கள் அதிர்ச்சி அடைந்துள்ளனர்.
நிலவும் குழப்பம்
‘தி மார்வெல்ஸ்’ படத்தை நியா டகோஸ்டா இயக்க அதில் ப்ரி லார்சன், டெயோனா பாரிஸ்,சாமுவேல் எல். ஜாக்சன், இமான் வெல்லானி, ஜாவே ஆஷ்டன் மற்றும் பார்க் சியோ-ஜூன் உள்ளிட்டோர் நடிக்கிறார்கள். ஆங்கிலம், தமிழ், இந்தி, தெலுங்கு, உள்ளிட்ட மொழிகளில் நவம்பர் 10-ஆம் தேதி திரையரங்குகளில் வெளியாக திட்டமிடப்பட்டுள்ளது. இந்நிலையில் சமீபத்தில் வெளியான ‘தி மார்வெல்ஸ்’ டிரைலர் ரசிகர்களிடம் பெரிய அளவில் வரவேற்பை பெறவில்லை என கூறப்படுகிறது. ஆண்கள் சூப்பர் ஹீரோக்களாக நடித்து வெளியாகும் படங்களுக்கு நல்ல வரவேற்பு பெற்ற நிலையில், பெண்களை மையமாக வைத்து மார்வெல் வெளியாகி வருவதால் இதற்கு ஆதரவு குறைந்து வருவதாகவும் கூறுகின்றனர். இந்த டிரைலருக்கு கலவையான விமர்சனங்கள் வந்து கொண்டே இருப்பதால் இப்படம் எதிர்பார்த்த அளவு வெற்றி பெறுமா? இல்லையா? என்பதில் பெரும் சந்தேகம் எழுந்துள்ளது.
