பத்து தல திரைப்படம் வெற்றி பெற வாழ்த்துக்கள் கூறிய நடிகர் ஜெயம் ரவியின் பதிவு வைரலாக பகிரப்பட்டு வருகிறது.
பிரம்மாண்ட படைப்பு
பொன்னியின் செல்வன் இரண்டாம் பாகத்தின் இசை மற்றும் டிரெய்லர் வெளியீட்டு விழா நேரு உள்விளையாட்டு அரங்கத்தில் நேற்று பிரம்மாண்டமாக நடைபெற்றது. இந்த விழாவில் படத்தின் தயாரிப்பாளர் சுபாஷ்கரன், மணிரத்னம், ஏ.ஆர். ரஹ்மான், விக்ரம், ஐஸ்வர்யா ராய், ஜெயம் ரவி, கார்த்தி, சரத்குமார், பார்த்திபன், ஐஸ்வர்யா லட்சுமி, சோபிதா துலிபாலா உள்ளிட்டோர் கலந்து கொண்டனர். விழாவில் சிறப்பு விருந்தினர்களாக நடிகர்கள் கமல்ஹாசன் மற்றும் சிம்பு பங்கேற்றனர்.
நன்றி கூறிய ஜெயம் ரவி
இந்நிலையில், பிரம்மாண்டமாக நடைபெற்ற பொன்னியின் செல்வன் 2 டிரெய்லர் வெளியீட்டு விழாவில் பங்கேற்ற சிம்புவிற்கு நடிகர் ஜெயம் ரவி நன்றி கூறியதுடன் பத்து தலை திரைப்படம் வெற்றி பெற வாழ்த்துக்களையும் தெரிவித்துள்ளார். இந்த பதிவு தற்போது சமூக வலைதளங்களில் வேகமாக பரவி வருகிறது. பத்து தல திரைப்படம் இன்று திரையரங்குகளில் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. இப்படத்தைப் பார்த்த சிம்பு ரசிகர்கள் படத்தை கொண்டாடி வருகின்றனர்.
