பொன்னியின் செல்வன் 2 படத்தின் முதல் பாடலான “அக நக” பாடல் வெளியாகி சாதனை படைத்து வருகிறது.
வெற்றி பெற்ற PS 1
மணிரத்னம் இயக்கத்தில் விக்ரம், ஐஸ்வர்யா ராய், ஜெயம் ரவி, கார்த்தி, திரிஷா, ஜெயராம், ஐஸ்வர்யா லட்சுமி, சரத்குமார், விக்ரம் பிரபு, பிரகாஷ்ராஜ், பார்த்திபன் உள்ளிட்ட நட்சத்திர பட்டாளமே இணைந்து நடித்து வெளியான திரைப்படம் பொன்னியின் செல்வன் 1. மெட்ராஸ் டாக்கீஸ் லைகா புரொடக்ஷன்ஸ் தயாரிப்பில், ஏ.ஆர்.ரகுமான் இசையில் உருவான இத்திரைப்படம் சூப்பர்ஹிட் படமாக அமைந்தது. கல்கியின் நாவலை தழுவி இந்த திரைப்படம் உருவாக்கப்பட்டு இருந்தது. PS 1 கிட்டத்தட்ட ரூ.500 கோடிகளுக்கு மேல் வசூலித்து சாதனை படைத்தது. இதைத்தொடர்ந்து பொன்னியின் செல்வன் படத்தின் இரண்டாம் பாகத்தை உருவாக்குவதில் இயக்குநர் மணிரத்னம் படு பிஸியாக இருந்து வருகிறார். இந்த திரைப்படம் ஏப்ரல் 28ஆம் தேதி வெளியிடப் போவதாக படக்குழு அதிகாரப்பூர்வமாக அறிவித்திருந்தது.
பக்கா மெலடி
இந்நிலையில் பொன்னியின் செல்வன் 2 படத்தின் ஆடியோ வெளியீட்டு விழா விரைவில் நடக்க இருக்கிறது. இந்நிலையில் இப்படத்தில் இடம் பெற்றிருக்கும் “அக நக” பாடல் லிரிக்கல் வீடியோ நேற்று வெளியானது. இதற்கான அறிவிப்பு கிளிம்ஸ் வீடியோவுடன் ஏற்கனவே வெளியிட்டிருந்ததும் குறிப்பிடத்தக்கது. ஏ.ஆர். ரஹ்மான் இசையமைத்திருக்கும் இந்த பாடல் தமிழில் மட்டும் இல்லாமல் மலையாளம், தெலுங்கு, ஹிந்தி, கன்னடம் ஆகிய மொழிகளிலும் வெளியாகி உள்ளது. இந்த பாடலை சக்திஸ்ரீ கோபாலன் பாடி இருக்கிறார். இளங்கோ கிருஷ்ணன் எழுதியுள்ளார். சூப்பர் மெலடியாக உருவாகியிருக்கும் “ஆக் நக” பாடல் இணையத்தில் டிரெண்டாகி இருப்பதுடன், மூன்று மில்லியன் பார்வைகளை கடந்து ரசிகர்களை கவர்ந்துள்ளது.
