ஏ.எல்.விஜய் இயக்கத்தில் நடிகை அனுஷ்கா ஆக்ஷன் திரைப்படத்தில் நடிக்க உள்ளதாக தகவல் வெளிவந்துள்ளது.
தேவசேனா அனுஷ்கா
2006 ஆம் ஆண்டு ரெண்டு படத்தின் மூலம் தமிழ் சினிமாவில் அறிமுகமானவர் நடிகை அனுஷ்கா ஷெட்டி. தெலுங்கு படங்களில் நடிப்பதில் மிகுந்த ஆர்வம் காட்டி வரும் நடிகை அனுஷ்கா செட்டி, வேட்டைக்காரன் படத்தின் மூலம் மூன்று வருடங்களுக்குப் பிறகு மீண்டும் தமிழ் படத்தில் நடித்தார். அதன்பிறகு சிங்கம், வானம், தெய்வத்திருமகள், சகுனி போன்ற பல படங்களில் நடித்தார். தமிழ் மற்றும் தெலுங்கில் முன்னணி நடிகையாக இருக்கக்கூடிய நடிகை அனுஷ்கா ஷெட்டி “பாகுபலி” என்ற படத்தின் மூலம் ஒட்டு மொத்த ரசிகர்களையும் தன் வசப்படுத்தினார். இவர் நடித்த தேவசேனா கதாபாத்திரம் ரசிகர்களை வெகுவாக கவர்ந்தது. முன்னணி நடிகையாக இருந்த நடிகை அனுஷ்கா கடந்த இரண்டு வருடங்களாக சைலண்டாகவே இருந்து வருகிறார்.
ஆக்ஷன் ரோல்
ஏ.எல்.விஜய் இயக்கும் படத்தில் நடிகை அனுஷ்கா ஆக்ஷன் திரைப்படத்தில் நடிக்க உள்ளதாக தகவல் வெளிவந்துள்ளது. இந்த படத்தின் மூலம் மீண்டும் அனுஷ்கா கம்பேக் கொடுப்பார் என்று எதிர்பார்க்கப்படுகிறது. இந்த படத்தின் தலைப்பும், மற்ற நடிகர்களின் அறிவிப்பும் விரைவில் வெளியாகும் என்று கூறப்படுகிறது. இஞ்சி இடுப்பழகி படத்திற்கு பிறகு பட வாய்ப்புகள் இல்லாமல் இருந்து வந்த நடிகை அனுஷ்காவிற்கு, தமிழில் நடிக்கும் வாய்ப்பு வந்துள்ளதால் ரசிகர்கள் கொண்டாட்டத்தில் உள்ளனர். ஆனால் இதுகுறித்து எந்த ஒரு தகவலும் அதிகாரப்பூர்வமாக வெளியாகவில்லை என்பது குறிப்பிடத்தக்கது.
