லவ் டுடே திரைப்படம் ஹிந்தியில் ரீமேக் செய்யப்போவதாக அரிகாரபூர்வ தகவல் வெளிவந்து உள்ளது.
ஹீரோவான பிரதீப்
2019 ஆம் ஆண்டு கோமாளி படத்தின் மூலம் இயக்குநராக அறிமுகமானவர் பிரதீப் ரங்கநாதன். ஜெயம் ரவி, காஜல் அகர்வால், யோகி பாபு உள்ளிட்ட பலரும் நடித்திருந்த இந்த திரைப்படம் சூப்பர் ஹிட் படமாக அமைந்தது. இந்த படத்தின் வெற்றிக்குப் பிறகு முன்னணி இயக்குநராக மாறினார் பிரதீப் ரங்கநாதன். அடுத்து இவர் இயக்கிய லவ் டுடே திரைப்படம் கடந்த ஆண்டு நவம்பர் 4ஆம் தேதி வெளியானது.
ஹிந்தியில் ரீமேக்
லவ் டுடே படத்தின் மூலம் ஹீரோவாக அறிமுகமானார் பிரதீப் ரங்கநாதன். ஹீரோவாக இவரது நடிப்பு அனைவரையும் வியக்க வைத்தது. சமீபத்தில் இந்த படத்தின் 100 நாள் வெற்றி விழாவும் கொண்டாடப்பட்டது. லவ் டுடே படத்தில் பிரதீப் ரங்கநாதருடன் ஜோடியாக இவானா நடித்திருந்தார். இவானா ஏற்கனவே இயக்குநர் பாலா இயக்கத்தில் நாச்சியார் படத்தில் நடித்தும் குறிப்பிடத்தக்கது. தற்போது லவ் டுடே படத்தில் இவரது கதாபாத்திரம் அனைவரையும் கவர்ந்தது. அது மட்டும் இல்லாமல் இந்த படம் 100 கோடிகளுக்கு மேல் வசூலித்ததாகவும் செய்திகளை வெளியிட்டனர். தற்போது இந்த படம் ஹிந்தியில் ரீமேக் செய்யப்போவதாக அரிகாரபூர்வ தகவல் வெளிவந்து உள்ளது. பிரபல தயாரிப்பு நிறுவனமான Phanton ஸ்டுடியோஸ் நிறுவனம் இந்தி ரீமேக் உரிமையை கைப்பற்றியுள்ளது. மேலும், இந்தி ரீமேக்கில் ஏஜிஎஸ் நிறுவனமும் இணைந்துள்ளது. விரைவில் படக்குழு குறித்த விவரம் அறிவிக்கப்படும் என அர்ச்சனா கல்பாத்தி தெரிவித்துள்ளார்.
