சிம்புவுக்காக பத்து தல படத்தில் ஏ.ஆர்.ரஹ்மான் நடித்துள்ளதாக கூறப்படுகின்றது.இதனால் இந்த படத்தின் மீது உள்ள எதிர்பார்ப்பு அதிகரித்துள்ளது.
எதிர்பார்ப்பில் பத்து தல
சிம்பு நடித்துள்ள பத்து தல படத்தின் ஷூட்டிங் முடிந்து தற்போது ரிலீசுக்கு தயாராகி உள்ளது. கடந்த ஆண்டு வெளியாக வேண்டிய இந்த திரைப்படம், மார்ச் 30 ஆம் தேதி ரிலீஸ் ஆகும் என்று அறிவிப்பு வெளிவந்துள்ளது. ஸ்டுடியோ கிரீன் தயாரிப்பில் கிருஷ்ணா இயக்கிய இந்த திரைப்படத்திற்கு இசைப்புயல் ஏ.ஆர்.ரஹ்மான் இசையமைத்துள்ளார். கன்னடத்தில் சூப்பர் ஹிட்டான முஃப்தி படத்தின் ரீமேக் தான் இந்த பத்து தல படம் என்பது குறிப்பிடத்தக்கது. கன்னட படத்தில் சிவராஜ் குமார் நடித்திருந்தார். தமிழில் சிம்பு நடிப்பில் வெளியாக இருக்கும் இந்த படத்திற்கு மிகுந்த ஆவல் நிலவி வருகிறது. மேலும் இந்த படத்தின் ஆடியோ, ட்ரெய்லர் வெளியீட்டு விழா மார்ச் 18 ஆம் தேதி நடைபெறும் என்றும் கூறப்படுகிறது.
சிம்புவுடன் ஏ.ஆர்.ரஹ்மான்
பத்து தல படத்தில் சிம்புவுக்காக ஏ.ஆர்.ரஹ்மானும் நடித்துள்ளதாகவும் கூறுகின்றனர். சிம்புவுக்காக பத்து தல படத்தின் ப்ரோமோ வீடியோவில் ஏ.ஆர்.ரஹ்மான் நடித்துள்ளதாகவும் கூறுகின்றனர். விஜயின் பிகில் படத்தில் இடம் பெற்றுருந்த சிங்க பெண்ணே பாடலுக்கு விஜய்யுடன் அட்லி மற்றும் ஏ.ஆர்.ரஹ்மான் இணைந்து ஒரு சிறிய சீனில் நடித்ததும் குறிப்பிடத்தக்கது. அதேபோல தான் சிம்பு படத்தில் ஒரு சிறிய காட்சியில் தோன்ற போவதாகவும் கூறுகின்றனர். அது மட்டும் இல்லாமல் இந்த படத்தின் ஒரு பாடலை ஏ.ஆர்.அமீன் பாடியுள்ளதாகவும் கூறப்படுகின்றது. பத்து தல படத்தின் முதல் பாடல் சிம்புவின் பிறந்தநாள் அன்று வெளியானது. இந்த படம் கண்டிப்பாக சிம்புவுக்கு கம்பேக் படமாக இருக்கும் என்று அவரது ரசிகர்கள் ஆவலாக எதிர்பார்த்துக் கொண்டிருக்கின்றனர்.
