ஹிப் ஹாப் ஆதியின் வீரன் படத்தின் ஃபர்ஸ்ட் லுக் போஸ்டர் வெளியாகி உள்ளது.
ஃபர்ஸ்ட் லுக் போஸ்டர்
மீசைய முறுக்கு என்ற படத்தின் மூலம் ஹீரோவாக அறிமுகமான ஹிப் ஹாப் தமிழா என்கின்ற ஹிப் ஹாப் ஆதி, நட்பே துணை, நான் சிரித்தால், சிவக்குமாரின் சபதம் போன்ற பல படங்களில் நடித்துள்ளார். சமீபத்தில் இவர் நடித்து வெளியான அன்பறிவு என்ற திரைப்படம் டிஸ்னி பிளஸ் ஹாட் ஸ்டாரில் வெளியானது. இவர் எழுதி பாடிய வாடி புள்ள வாடி என்ற பாட்டின் மூலம் மிகவும் பிரபலமானார் என்பது குறிப்பிடத்தக்கது. தற்போது வீரன் என்ற படத்தில் நடித்து வருகிறார். வீரன் படத்தின் ஃபர்ஸ்ட் லுக் போஸ்டர் வெளியாகி உள்ளது. சத்யஜோதி ஃபிலிம்ஸ் சார்பாக டி ஜி தியாகராஜன் படத்தை தயாரிக்கிறார்.
ஸ்பைடர் மேன்
ஏ ஆர் கே சரவணன் இயக்கும் இந்த படத்தில் ஆதி வித்தியாசமான கதாபாத்திரத்தில் நடித்து வருகிறார். படத்தின் பர்ஸ்ட் லுக் போஸ்டர் வித்தியாசமாக வடிவமைக்கப்பட்டுள்ளது. ஹிப் ஹாப் ஆதியில் ஒரு பாதி பட்டையுடன், மீதி பாதி ஆன்மீக வாதியாகவும் உருவாக்கப்பட்டுள்ளது. இவரது படங்கள் அனைத்தும் குழந்தைகளை வெகுவாக கவரும் வண்ணம் இருப்பதால் இந்த படமும் குழந்தைகளுக்கு பிடித்த ஒன்றாக இருக்கும் என்று எதிர்பார்க்கப்படுகின்றது. கோடை விடுமுறையில் வெளியாக இருக்கும் இந்த படத்தின் படப்பிடிப்புகளும், மற்ற வேலைகளும் விறுவிறுப்பாக நடந்து வருகின்றது. இந்த படத்தை தொடர்ந்து PT சார் என்ற படத்திலும் ஆதி நடித்து வருகிறார் என்பது குறிப்பிடத்தக்கது.
