இளைய தளபதி விஜய் நடிக்கும் 66-வது திரைப்படம் ‘வாரிசு’. முழுக்க முழுக்க குடும்ப சென்டிமெண்டை மையமாக கொண்ட இந்த படத்தினை, ஸ்ரீ வெங்கடேஸ்வரா நிறுவனம் தயாரித்துள்ளது. ‘வாரிசு’ படத்தில் விஜய்க்கு ஜோடியாக ராஷ்மிகா மந்தானா நடிக்கிறார். மேலும் பிரகாஷ் ராஜ், சரத்குமார், பிரபு, குஷ்பூ, யோகி பாபு உள்ளிட்ட நட்சத்திர பட்டாளமே இதில் நடிக்கிறது. பொங்கலுக்கு வெளியாகும் இந்த படத்தின் ஆடியோ வெளியீட்டு விழா சென்னை நேரு உள் விளையாட்டு அரங்கில் நடைபெற்று வருகிறது. அரங்கின் உள்ளே விஜய் நடித்த படங்களின் முக்கிய காட்சிகள் காட்டப்பட்டன. நிகழ்ச்சி நடைபெறும் மேடைக்கு நடிகர் விஜய் வந்ததும் ரசிகர்கள் உற்சாக குரல் எழுப்பி ஆராவாரத்துடன் வரவேற்றனர். விஜய் மாஸ் என்ட்ரி கொடுக்கும் வீடியோ சமூக வலைதளங்களில் வைரலாகி வருகிறது.
