ஜுராசிக் வேல்டு டொமினியன் படத்தின் ரிலீஸ் ஒரு வருடத்துக்கு தள்ளிவைப்பட்டுள்ளதாக தெரிவிக்கப்பட்டுள்ளது.
ஜூராசிக் பார்க்
ஸ்டீவன் ஸ்பீல்பர்க் இயக்கத்தில் 1993 ஆம் ஆண்டு வெளிவந்த ஜூராசிக் பார்க் திரைப்படத்திற்கு ரசிகர்களிடம் நல்ல வரவேற்பு கிடைத்தது. இதன்தொடர்ச்சியாக ஜுராசிக் வேல்டு படம் தயாரானது. கோலின் ட்ரெவாரோ இயக்கத்தில் கிறிஸ் ப்ராட் நடித்த இந்தப் படம், திரைக்கு வந்து உலகம் முழுவதும் நல்ல வசூல் குவித்தது. ஜூராசிக் பட வரிசையில் இதுவரை ஐந்து படங்கள் வெளியாகியுள்ளன. கடைசியாக 2018 ஆம் ஆண்டு ஜூராசிக் வேர்ல்ட் ஃபாலன் கிங்டம் படம் வெளியானது.
மீண்டும் தள்ளிவைப்பு
தற்போது ‘ஜூராசிக் வேல்டு டாமினியன்’ படம் தயாராகி வருகிறது. கடந்த பிப்ரவரி மாதம் இதன் படப்பிடிப்பு தொடங்கிய நிலையில், 2021 ஆம் ஆண்டு மே மாதம் படம் வெளியாகும் என அறிவிக்கப்பட்டது. ஆனால் கொரோனா பரவல் காரணமாக படப்பிடிப்பு பாதியிலேயே நிறுத்தப்பட்டது. பின்னர் ஜூலை மாதம் லண்டனில் மீண்டும் படப்பிடிப்பு தொடங்கி நடைபெற்று வருகிறது. இந்நிலையில், கொரோனா காரணமாக ‘ஜுராசிக் வேல்டு டாமினியன்’ திரைப்படம் மீண்டும் 2022 ஆம் ஆண்டு ஜூன் மாதத்துக்கு தள்ளி வைக்கப்பட்டுள்ளதாக அப்படத்தின் இயக்குநர் கோலின் ட்ரேவாரோ தெரிவித்துள்ளார்.
