விஜய் டிவியில் மாப்பிள்ளை சீரியல் மூலம் சின்னத்திரையில் அறிமுகமானவர் நடிகை வைஷாலி. பிறகு ராஜா ராணி, பாண்டியன் ஸ்டோர்ஸ், ஜீ தமிழில் கோகுலத்தில் சீதை, நம்ம வீட்டு பொண்ணு போன்ற தொடர்களிலும் நடித்துள்ளார். இவர் தற்போது விஜய் டிவியில் ஒளிபரப்பாகும் முத்தழகு என்ற தொடரில் நாயகியாக நடித்து வருகிறார். நடிகை வைஷாலி தற்போது வீடியோ ஒன்றை வெளியிட்டுள்ளார். அதில், தான் தென்காசியில் இருந்து திருநெல்வேலி நோக்கி சென்று கொண்டிருந்த போது ஏற்பட்ட விபத்து குறித்தும், அதிலிருந்து உயிர் தப்பியது எப்படி என்பது குறித்தும் அதில் விவரித்துள்ளார்.
