டுவிட்டரை விட்டு வெளியேற போவதாக நடிகை யாஷிகா ஆனந்த் தனது இன்ஸ்டா பக்கத்தில் தெரிவித்துள்ளார்.
கவர்ச்சி நடிகை
தமிழில் துருவங்கள் பதினாறு, இருட்டு அறையில் முரட்டு குத்து உள்ளிட்ட சில படங்களில் நடித்திருந்தவர் நடிகை யாஷிகா ஆனந்த். பிக் பாஸில் பங்கேற்றதன் மூலம் மிகவும் பிரபலமானார். கவர்ச்சி நடிகையாக வலம் வரும் நடிகை யாஷிகா, தற்போது பேய் படத்திலும் நடித்து வருகிறார். இந்நிலையில் டுவிட்டரை விட்டு வெளியேறப் போவதாக தனது இன்ஸ்டாகிராம் பக்கத்தில் அவர் தெரிவித்துள்ளார். 
ப்ளூ டிக்
சமீபத்தில் டுவிட்டரில் பல அதிரடி மாற்றங்கள் கொண்டு வரப்பட்டுள்ளது. ப்ளூ டிக் பெற்றவர்கள் சந்தா செலுத்த வேண்டும் என்று கூறியுள்ள நிலையில், சந்தா செலுத்தாதவர்களின் ப்ளூ டிக்கை அதிரடியாக நீக்கி வருகிறது டுவிட்டர் நிறுவனம். அந்த வகையில் முன்னணி நடிகர்களின் ப்ளூ டிக்கையும் சமீபத்தில் அதிரடியாக நீக்கியது. அதேபோல் தற்போது நடிகை யாஷிகா ஆனந்தின் ப்ளூ டிக்கையும் நீக்கி உள்ளது டுவிட்டர் நிறுவனம். இதை கண்டித்து டுவிட்டரில் இருந்து விலகுவதாக யாஷிகா ஆனந்த் தெரிவித்து உள்ளார். இதுகுறித்து யாஷிகா இன்ஸ்டாகிராமில் வெளியிட்டுள்ள பதிவில், “நான் டுவிட்டரை விட்டு வெளியேறுகிறேன். டுவிட்டரின் வீழ்ச்சி ஆரம்பமாகிவிட்டது. பணம் கொடுத்து புளூ டிக் பெற முடியாது. எல்லோரும் டுவிட்டரை விட்டு வெளியேறி விடலாம்” என்று குறிப்பிட்டுள்ளார். அவரது பதிவு சமூக வலைத்தளத்தில் வைரலாகி வருகிறது.
