தங்கம் விலை மீண்டும் உயர்வு!

கடந்த சில தினங்களாக தங்கத்தின் விலை குறைந்து வந்த நிலையில் இன்று விலை மீண்டும் உயர்ந்துள்ளதால் வாடிக்கையாளர்கள் அதிர்ச்சி அடைந்துள்ளனர்.

விலை உயர்வு

மத்திய பட்ஜெட்டில் தங்கத்தின் மீதான சுங்க வரி குறைக்கப்படும் என்று அறிவிக்கப்பட்டதன் காரணமாக கடந்த 1-ம் தேதி முதல் தங்கத்தின் விலை குறைந்து வந்தது. இதனால் தங்கம் சவரன் ரூ.36 ஆயிரத்துக்கும் கீழ் வந்தது. அதன்பின் 5-ந் தேதியில் இருந்து விலையில் ஏற்றத்தாழ்வு காணப்பட்டது. நேற்று தங்கம் ஒரு பவுன் ரூ.35,720-க்கு விற்பனையானது. ஒரு கிராம் ரூ.4,465 ஆக விற்பனை செய்யப்பட்டது.

பொதுமக்கள் கவலை

இந்த நிலையில் தங்கம் விலை இன்று அதிரடியாக உயர்ந்துள்ளது. சென்னையில் இன்று காலை ஆபரண தங்கத்தின் விலை சவரனுக்கு ரூ.560 உயர்ந்து ரூ.36,280-க்கு விற்பனையாய்றது. கிராமுக்கு ரூ.70 அதிகரித்து ரு.4,535 ஆக உள்ளது. இதேபோல் வெள்ளி கிலோவுக்கு ரூ.1,600 உயர்ந்து ரூ.75,200 ஆக உள்ளது. ஒரு கிராம் வெள்ளி ரூ.75.20-க்கு விற்பனை செய்யப்படுகிறது. தங்கம் விலை மீண்டும் சவரன் ரூ.36 ஆயிரத்தை தாண்டி இருப்பது ஏழை மற்றும் நடுத்தர மக்களை கவலை அடைய செய்துள்ளது.