முன்னாள் ராணுவ வீரர் இயக்கும் புதிய படத்தில் நடிகை யாஷிகா ஆனந்த் கதாநாயகியாக நடிக்கிறார்.
பிரபலம்
”இருட்டு அறையில் முரட்டு குத்து” திரைப்படம் மூலம் பிரபலமானவர் நடிகை யாஷிகா ஆனந்த். அப்படத்தில் கவர்ச்சியாக நடித்து ரசிகர்கள் மனதில் இடம்பிடித்தார். அதனைத்தொடர்ந்து பாடம், துருவங்கள் பதினாறு, மூக்குத்தி அம்மன், நோட்டா, ஜாம்பி, பெஸ்டி, கடமையை செய் உள்ளிட்ட படங்களில் நடித்தார். விஜய் டிவியில் ஒளிப்பரப்பாகும் பிரபல நிகழ்ச்சியான பிக்பாஸ் சீசன்-2வில் பங்கேற்று மிகவும் பிரபலமானார். சமூகவலைதளத்தில் எப்பொழுதும் ஆக்டிவாக இருக்கக்கூடிய யாஷிகா ஆனந்த், அடிக்கடி தனது கவர்ச்சி புகைப்படங்களையும், வீடியோக்களையும் வெளியிட்டு வருவார்.
மருத்துவர்
‘கார்த்திகேயனும் காணாமல் போன காதலியும்’ என்ற படத்தை தயாரித்து, இயக்கியவர் ஏ.எம். பாலா. முன்னாள் ராணுவ வீரரான இவர், தற்போது மிஸ்ட்ரி திரில்லர் கதையம்சம் கொண்ட படத்தை இயக்குகிறார். இப்படத்தில் நாயகனாக ராம் பிரசாத்தும், நாயகியாக யாஷிகா ஆனந்தும் நடிக்கின்றனர். இருவரும் மருத்துவர்கள் கதாபாத்திரத்தில் நடிக்க உள்ளனர். பெயரிடப்படாத இந்தப் படத்தின் படப்பிடிப்பு சென்னை மற்றும் அதன் சுற்று வட்டாரப் பகுதிகளில் நடைபெற இருக்கிறது. இப்படம் தொடர்பான அடுத்தடுத்த அப்டேட்டுகள் விரைவில் வெளியாகும் என படக்குழு தெரிவித்துள்ளது.
