ஆரம்ப காலத்தில் தனக்கு பல கொலை மிரட்டல்கள் வந்ததாக நடிகை சன்னி லியோன் அதிர்ச்சி தகவலை தெரிவித்துள்ளார்.
கவர்ச்சி நடிகை
பாலிவுட்டின் கவர்ச்சி நடிகைகளிள் ஒருவரான நடிகை சன்னி லியோன் நடிப்பில் சமீபத்தில் வெளியான திரைப்படம் ஓ மை கோஸ்ட். சதீஷ், ரமேஷ் திலக், யோகிபாபு போன்ற பலரும் நடித்திருந்த இந்த திரைப்படம், கலவையான விமர்சனங்களை பெற்றது. ஹிந்தியில் மட்டுமல்லாமல் கன்னடம், மராத்தி, தெலுங்கு போன்ற மொழிகளிலும் சில படங்களில் நடித்துள்ளார் சன்னி லியோன். தற்போது தமிழ் மற்றும் ஹிந்தியில் பல படங்களை தன் கைவசம் வைத்துள்ளார்.
ரொம்ப மாறிட்டேன்
இந்நிலையில், நடிகை சன்னி லியோன் ஆரம்ப காலத்தில் பல அவமானங்களை சந்தித்துள்ளதாக கூறியுள்ளார். இதுகுறித்த அவர் அளித்துள்ள பேட்டியில், “ஹிந்தி பிக் பாஸ் என் வாழ்க்கையை மாற்றிவிட்டது. இந்தியாவுக்கு வந்தால் கொன்றுவிடுவோம் என மிரட்டல்களும் வந்தது. அனைத்து மிரட்டல்களையும் மீறி தான் இந்தியா வந்து நிகழ்ச்சிகளில் பங்கேற்றேன். தற்போது அடல்ட் படங்களில் நடிப்பதில்லை. நல்ல கதையை தேர்வு செய்து நடித்து வருகிறேன்” என்று கூறியுள்ளார்.
