சர்வதேச அளவில் வெற்றிபெற தயாராகும் பிரபாஸின் ஆதிபுருஷ்!

டிரிபெகா சர்வதேச திரைப்பட விழாவில் ஜூன் 13ஆம் தேதியன்று பிரபாஸ் நடித்திருக்கும் ‘ஆதி புருஷ்’ திரைப்படம் திரையிடப்படுகிறது.

மிகுந்த எதிர்பார்ப்பு

அமெரிக்காவில் நடைபெறவிருக்கும் டிரிபெகா சர்வதேச திரைப்பட விழாவில் ஜூன் 13ஆம் தேதியன்று பிரபாஸ் நடித்திருக்கும் ‘ஆதி புருஷ்’ திரைப்படம் பிரத்யேகமாக திரையிடப்படுகிறது. இயக்குநர் ஓம் ராவத், தயாரிப்பாளர் பூஷன் குமார், நடிகர் பிரபாஸ் ஆகியோரின் கூட்டணியில் தயாராகி இருக்கும் திரைப்படம் ‘ஆதி புருஷ்’ பிரம்மாண்டமான படைப்பாக தயாராகி இருக்கும் ‘ஆதி புருஷ்’ விரைவில் வெளியாக இருக்கிறது. தேசிய விருது பெற்ற இயக்குநரான ஓம் ராவத் இயக்கத்தில் தயாராகி இருக்கும் இந்த திரைப்படம், இந்திய வரலாறு மற்றும் கலாச்சாரத்தின் மாபெரும் காவியமாக கருதப்படும் ராமாயணத்தை தழுவி உருவாகி இருக்கிறது. இதனைக் காண ரசிகர்கள் உற்சாகத்துடன் காத்திருக்கிறார்கள். தயாரிப்பாளர் பூஷன் குமார் தயாரித்திருக்கும் இந்திய வரலாறு மற்றும் கலாச்சாரத்தின் மகத்துவத்தைக் கொண்ட ‘ஆதி புருஷ்‌’ படத்தை, புலம்பெயர்ந்த இந்தியர்கள் மட்டுமல்லாமல் உலகமே காணவிருக்கிறது என டிரிபெகா சர்வதேச திரைப்பட விழா குழு அறிவித்திருக்கிறது. அமெரிக்காவில் உள்ள நியுயார்க் எனும் நகரில் ஜூன் 7ஆம் தேதி முதல் 18ஆம் தேதி வரை நடைபெறும் 22 ஆவது டிரிபெகா சர்வதேச திரைப்பட விழாவில் ‘ஆதி புருஷ்’ திரைப்படத்தின் உலகளாவிய பிரத்தியேக காட்சி திரையிடப்படுகிறது. ‘ஆதி புருஷ்’ திரைப்படம் ஜூன் 16ஆம் தேதி முதல் உலகளவில் வெளியாகிறது.

ஆதி புருஷ் தேர்வு

அண்மையில் டிரிபெகா சர்வதேச திரைப்பட விழாவிற்கான அட்டவணை அறிவிக்கப்பட்டது. அதில் ‘ஆதி புருஷ்’ திரைப்படத்தினை உலகளாவிய பிரத்யேக காட்சியாக திரையிட நடுவர் குழு தேர்வு செய்திருக்கிறது. 2001 ஆம் ஆண்டில் ஹாலிவுட்டின் நட்சத்திர நடிகர்களான ராபர்ட் டி நீரோ, ஜேன் ரோசென்டல் மற்றும் கிரேக் ஹாட்காஃப் ஆகியோரால் OKX நிறுவப்பட்டது. இதன் சார்பாக நடைபெறும் டிரிபெகா சர்வதேச திரைப்பட விழாவில் கலைஞர்கள் மற்றும் பலதரப்பட்ட பார்வையாளர்களை ஒன்றிணைத்து, கதை சொல்லல் மற்றும் திரைப்படத்தின் அனைத்து வடிவங்களையும் கொண்டாடுகிறது. திரைத்துறையின் வலுவான வேர்களைக் கொண்டிருப்பதால், இந்த விழாவில் இடம்பெறும் படைப்புகள் மற்றும் செயல்பாடுகள் அனைத்தும் தரமான பொழுதுபோக்கு ஏற்றதாக அமைந்திருக்கிறது.

கலாச்சாரத்தின் கதை

இந்த அற்புதமான சாதனை குறித்து இயக்குநர் ஓம் ராவத் பேசுகையில், ” ஆதி புருஷ் ஒரு படம் அல்ல. இது ஒரு உணர்ச்சி. ஒரு உணர்வு !. இந்தியாவின் உணர்வை எதிரொலிக்கும் கதையைப் பற்றிய எங்களது பார்வை. உலகின் மதிப்பு மிக்க சர்வதேச திரைப்பட விழாக்களில் ஒன்றான டிரிபெகா நடுவர் குழுவால் ‘ஆதி புருஷ்’ தேர்வு செய்யப்பட்டுள்ளது என்பதை அறிந்தபோது… ஒரு மாணவனாகவே எப்போதும் இருக்க விரும்புகிறேன். டிரிபெகா சர்வதேச திரைப்பட விழாவில் ‘ஆதி புருஷ்’ படத்தின் பிரத்யேக திரையிடல், எனக்கும் என்னுடைய ஒட்டுமொத்த குழுவிற்கும் உண்மையிலேயே மகிழ்ச்சியாக இருக்கிறது. ஏனெனில் நமது கலாச்சாரத்தின் மிகவும் வேரூன்றிய ஒரு கதையை உலக அரங்கில் காட்சிப்படுத்துகிறோம். இந்த சர்வதேச திரைப்பட விழாவில் கலந்து கொண்டு ஆதி புருஷை கண்டு ரசிக்கும் பார்வையாளர்களின் எதிர்வினையைக் காண்பதற்கு உற்சாகமாக காத்திருக்கிறோம்” என்றார்.

உற்சாகமான தருணம்

இது தொடர்பாக டி சிரீஸின் தயாரிப்பாளர் பூஷன் குமார் பேசுகையில், ” இந்திய சினிமாவை சர்வதேச அளவிற்கு எடுத்துச் செல்வது நம் அனைவருக்கும் பெருமை சேர்க்கும் தருணம். டிரிபெகா சர்வதேச திரைப்பட விழா- உலகளவில் மதிப்புமிக்க பாராட்டப்படும் தளங்களில் ஒன்று. இங்கே திரையிடுவதற்கு எங்களுடைய ‘ஆதி புருஷ்’ தேர்வு செய்யப்பட்டிருப்பதற்கு கடும் உழைப்பு மட்டுமல்ல.. இந்திய வரலாற்றின் சித்தரிப்பு இங்கே காட்சிப்படுத்தப்படுகிறது. இது உற்சாகமான தருணங்கள். ஆதி புருஷ் அனைவருக்கும் ஒரு அற்புதமான காட்சி விருந்தாக அமையும். மேலும் இது உலகளாவிய பார்வையாளர்களை மயக்கும் என்று நான் நம்புகிறேன்.” என்றார்.

இந்தியனாக பெருமிதம்

இது தொடர்பாக நடிகர் பிரபாஸ் கூறுகையில், ” நியூயார்க்கில் நடைபெறும் சர்வதேச திரைப்பட விழாவில் ஆதி புருஷின் உலகளாவிய பிரத்யேக காட்சியை காண்பதில் பெருமிதம் அடைகிறேன். நமது தேசத்தின் நெறிமுறைகளை பிரதிபலிக்கும் திட்டத்தில் ஒரு அங்கமாக இருப்பது எனக்கு கிடைத்த பாக்கியம். நமது இந்திய திரைப்படங்களைப் பார்ப்பதற்கு மகிழ்ச்சியாக இருக்கிறது. என்னை பொருத்தவரை ஆதி புருஷ் சர்வதேச அளவிலான அரங்குகளை சென்றடைந்ததை …ஒரு நடிகனாக மட்டுமின்றி, ஒரு இந்தியனாகவும் என்னை பெருமிதம் கொள்ள வைக்கிறது. டிரிபெகாவில் பார்வையாளர்களின் வரவேற்பை காண ஆவலுடன் காத்திருக்கிறேன்” என்றார்.