பிரபல பின்னணி பாடகியான ஸ்ரேயா கோஷல் ஹோலி கொண்டாடிய புகைப்படங்களும், வீடியோக்களும் சமூக வலைதளங்களில் வைரலாக பரவி வருகின்றது.
வசீகரிக்கும் குரல்
2002 ஆம் ஆண்டு தேவதாஸ் படத்தின் மூலம் பாடகியாக அறிமுகமான ஸ்ரேயா கோஷல், தனது முதல் படத்திலேயே தேசிய விருது, சிறந்த பாடகிக்கான ஃபிலிம் ஃபேர் விருது என்று பல விருதுகளை பெற்று முன்னணி பாடகி லிஸ்டில் இணைந்தார். தமிழில் பிதாமகன் படத்தில் இளங்காத்து வீசுதே, 7ஜி ரெயின்போ காலனி படத்தில் நினைத்து நினைத்து என்ற பாடலையும், விருமாண்டி படத்தில் சண்டியரே சண்டியரே பாடல் உள்ளிட்ட பல வெற்றி பாடல்களை பாடியவர் ஸ்ரேயா கோஷல். வசூல்ராஜா எம்பிபிஎஸ், ஐயா, அந்நியன், சண்டக்கோழி, அன்பே ஆருயிரே, சில்லுனு ஒரு காதல், உள்ளிட்ட பல பாடல்களில் இவரது குரல் அனைவரையும் வசீகரித்தது.
ஹோலி கொண்டாட்டம்
சமீபத்தில் ஜோதிகா, சசிகுமார் நடிப்பில் வெளியான உடன்பிறப்பே படத்தில் அண்ணே யார் அண்ணே என்ற பாடலை பாடி இருந்தார். ரஜினிகாந்த் நடிப்பில் வெளியான அண்ணாத்த படத்தில் சாரசார காற்றே என்ற பாடலையும் பாடி மக்கள் மனதில் நீங்காத இடத்தை பிடித்துள்ளார். இவர் தமிழில் மட்டும் இல்லாமல் ஹிந்தி, மலையாளம், கன்னடம், தெலுங்கு என்று பல மொழிகளிலும் தனது குரலை நிரூபித்து, தற்போது முன்னணி பாடகி லிஸ்டில் ஒருவராக இருந்து வருகிறார். தனது இன்ஸ்டாகிராம் பக்கத்தில் 26.4 மில்லியன் ரசிகர்களை கொண்டுள்ளார். சமீபத்தில் பாடகி ஸ்ரேயா கோஷல் குடும்பத்துடன் ஹோலி கொண்டாடிய புகைப்படங்களையும், வீடியோக்களையும் வெளியிட்டு உள்ளார். இந்த புகைப்படங்கள் ரசிகர்களிடத்தில் நல்ல வரவேற்பு பெற்றதுடன், பல லைக்ஸ்களையும் குவித்து வருகிறது.
