லிங்குசாமி இயக்கத்தில் ஆர்யா நடிக்க இருக்கும் பையா 2 படத்தில் பூஜா ஹெக்டேவை நடிக்க வைக்க பேச்சுவார்த்தை நடந்து வருகின்றது.
கை கொடுக்காத படங்கள்
முகமூடி என்ற படத்தின் மூலம் தமிழ் சினிமாவில் அறிமுகமான நடிகை பூஜா ஹெக்டே. தெலுங்கில் பல படங்களில் நடித்து வந்தார். கடந்த ஆண்டு விஜய் நடிப்பில் வெளியான பீஸ்ட் திரைப்படத்தின் மூலம் தமிழில் கம்பேக் கொடுத்தார். பீஸ்ட் படம் கலவையான விமர்சனங்களை பெற்றது. ஆனால் அந்தப் படத்தில் இடம் பெற்றிருந்த பாடல்கள் மட்டும் சூப்பர் ஹிட் ஆனது. இவரது நடிப்பில் முகமூடி படமும், பீஸ்ட் படமும் எதிர்பார்த்த அளவு கை கொடுக்கவில்லை என்றதும், தெலுங்கு மற்றும் ஹிந்தி படங்களில் நடிப்பதில் கவனம் செலுத்தி வருகிறார் நடிகை பூஜா ஹெக்டே.
பையா 2 வில் வாய்ப்பு
சமூக வலைதளத்தில் எப்பொழுதும் ஆக்டிவாக இருக்கக்கூடிய நடிகை பூஜா ஹெக்டே, அடிக்கடி தனது கவர்ச்சி புகைப்படங்களை வெளியிட்டு வருவார். தனது புகைப்படங்கள் மூலம் ரசிகர்களை தன் கைவசம் வைத்திருந்த நடிகை பூஜா ஹெக்டேவுக்கு, பையா 2 படத்தில் நடிக்கும் வாய்ப்பு கதவை தட்டியுள்ளது. நடிகர் கார்த்தி, தமன்னா நடிப்பில் வெளியான பையா படத்தின் இரண்டாம் பாகத்தில் நடிகர் ஆர்யா நடிக்க உள்ளதாக தகவல் வெளியானது. இதில் அவருக்கு ஜோடியாக நடிகை பூஜா ஹெக்டேவை நடிக்க வைக்க பேச்சுவார்த்தை நடந்து வருகின்றது. பையா 2 படத்தை லிங்குசாமி இயக்குகிறார். இதுகுறித்து அடுத்த அப்டேட் விரைவில் வெளியாகும் என்று ரசிகர்கள் எதிர்பார்த்துக் கொண்டிருக்கின்றனர். பூஜா ஹெக்டேவுக்கு சிறந்த கம்பேக் படமாக இந்த பையா 2 படம் அமையும் என்று தெரிவித்து வரும் ரசிகர்கள், அவருக்கு வாழ்த்துக்களை கூறி வருகின்றனர்.
