‘ஸ்டார்’ திரைப்படம் மூலம் தமிழ் சினிமாவில் அறிமுகமான நடிகை ப்ரீத்தி முகுந்தன் தற்போது மலையாள சினிமாவிலும் களமிறங்கியுள்ளார். 
இளம் நடிகை
கவின் நடித்த ‘ஸ்டார்’ திரைப்படத்தின் மூலம் தமிழ் சினிமாவில் அறிமுகமானவர் நடிகை ப்ரீத்தி முகுந்தன். இவர் தற்போது பான் இந்தியா திரைப்படமாக உருவாகி இருக்கும் ‘கண்ணப்பா’ என்ற படத்தில் நடித்துள்ளார். முகேஷ் குமார் சிங் இயக்கத்தில் விஷ்ணு மஞ்சு கதாநாயகனாக நடித்துள்ள இப்படம், வருகிற ஜூன் 27ஆம் தேதி வெளியாக இருக்கிறது. 
பிரபலமானவர்
இந்நிலையில் நடிகை ப்ரீத்தி முகுந்தன் மலையாள சினிமாவில் களம் இறங்கியுள்ளார். அறிமுக இயக்குநரான ஃபைசல் இயக்கும் “மெயின் பியார் கியா” படத்தில் அவர் நடித்துள்ளார். இப்படத்தின் நாயகனாக ஹரிது ஹருன் நடித்துள்ளார். “மெயின் பியார் கியா” திரைப்படம் தமிழ் மற்றும் மலையாள மொழிகளில் வெளியாக இருக்கிறது. ஸ்பைர் ப்ரொடக்ஷன் தயாரிக்கும் இப்படத்தின் ஃபர்ஸ்ட் லுக் போஸ்டர் வெளியாகி ரசிகர்களிடம் எதிர்பார்ப்பை ஏற்படுத்தியுள்ளது. நடிகை ப்ரீத்தி முகுந்தன் இளம் இசையமைப்பாளரான சாய் அபயங்கர் இசையில் வெளியான ‘ஆச கூட’ வீடியோ பாடலில் நடித்து மிகப்பெரிய வைரலானவர் என்பது குறிப்பிடத்தக்கது.
