அஜித்துக்கு நடிகர் ரஜினிகாந்த் வாழ்த்து!

பத்ம பூஷண் விருது பெறும் நடிகர் அஜித்குமாருக்கு நடிகர் ரஜினிகாந்த் தனது வாழ்த்துக்களை தெரிவித்துள்ளார்.

பத்ம விருதுகள்

நாட்டில் கலை, அறிவியல், சமூகப்பணி, பொதுப்பணி, அறிவியல், வர்த்தகம், மருத்துவம், இலக்கியம், கல்வி, விளையாட்டு உள்ளிட்ட துறைகளில் சிறந்து விளங்குபவர்களுக்கு நாட்டின் உயரிய விருதான பத்ம ஸ்ரீ, பத்ம பூஷன், பத்ம விபூஷண் ஆகிய விருதுகளை ஒன்றிய அரசு வழங்கி வருகிறது. அந்த வகையில் 2025 ஆம் ஆண்டுக்கான பத்ம ஸ்ரீ விருதுகளை ஒன்றிய அரசு சமீபத்தில் அறிவித்தது. அதில் நடிகர் அஜித்குமாருக்கு பத்ம பூஷன் விருது அறிவிக்கப்பட்டது.

சேசருக்கு வாழ்த்துக்கள்

இதற்கு பல்வேறு தரப்பினரும், சினிமா பிரபலங்களும் அஜித்குமாருக்கு வாழ்த்துக்களை தெரிவித்து வருகின்றனர். இந்நிலையில், சென்னை விமான நிலையத்தில் செய்தியாளர்களிடம் பேசிய நடிகர் ரஜினிகாந்த், பத்ம பூஷண் விருது பெறும் நடிகரும், ரேசருமான அஜித்குமாருக்கு வாழ்த்துகள் எனக் கூறியுள்ளார்.