அனுஷ்கா நடிப்பில் உருவாகியிருக்கும் ‘காட்டி’ திரைப்படத்தின் ஃபர்ஸ்ட் லுக் வெளியாகி இணையத்தில் வைரலாகி வருகிறது. 
திறமையான நடிகை
2006 ஆம் ஆண்டு ரெண்டு படத்தின் மூலம் தமிழ் சினிமாவில் அறிமுகமானவர் நடிகை அனுஷ்கா ஷெட்டி. தெலுங்கு படங்களில் நடிப்பதில் மிகுந்த ஆர்வம் காட்டி வந்த அனுஷ்கா, தமிழில் வேட்டைக்காரன், சிங்கம், வானம், தெய்வத்திருமகள், சகுனி போன்ற பல படங்களில் நடித்தார். தமிழ் மற்றும் தெலுங்கில் முன்னணி நடிகையாக இருக்கக்கூடிய நடிகை அனுஷ்கா ஷெட்டி “பாகுபலி” படத்தின் மூலம் ஒட்டு மொத்த ரசிகர்களையும் தன் வசப்படுத்தினார். இவர் நடித்த தேவசேனா கதாபாத்திரம் ரசிகர்களை வெகுவாக கவர்ந்தது. பாகுபலி படத்தின் மாபெரும் வெற்றியை தொடர்ந்து நடிகை அனுஷ்கா, அனைத்து மொழியிலும் ஒரு ரவுண்டு வருவார் என்று எதிர்பார்க்கப்பட்ட நிலையில், அடுத்தடுத்து அவர் நடித்த படங்கள் எதிர்பார்த்த அளவு வரவேற்பு பெறவில்லை.
வைரல்
சில வருட இடைவெளிக்கு பிறகு நடிகை அனுஷ்கா நடிப்பில் ‘காட்டி’ திரைப்படம் உருவாகியிருக்கிறது. பான் இந்தியா படமாக உருவாகியிருக்கும் இப்படத்தை, ராஜீவ் ரெட்டி மற்றும் சாய் பாபு ஜகர்லமுடி ஆகியோர் இணைந்து தயாரித்துள்ளனர். ‘காட்டி’ படத்தின் ஃபர்ஸ்ட் லுக் இன்று வெளியிடப்பட்டது. இப்படம் ஆக்ஷன் திரில்லராக உருவாகிறது. முன்னெப்போதும் இல்லாத வகையில் அனுஷ்கா அதிரடி ஆக்சன் நாயகியாக நடித்துள்ளார். மனோஜ் ரெட்டி கடசானி ஒளிப்பதிவு செய்ய, நாகவெல்லி வித்யா சாகர் இசையமைக்கிறார். ‘காட்டி’ படத்தின் ஃபர்ஸ்ட் லுக் இணையத்தில் வைரலாகி வருகிறது.
