சிவகார்த்திகேயன் நடிப்பில் வெளியாகி ரசிகர்ளிடம் பெரும் வரவேற்பை பெற்றுள்ள ‘அமரன்’ திரைப்படம் வெளியாகி மூன்று நாட்களில் உலகம் முழுவதும் ரூ. 100 கோடியை தாண்டி வசூலில் சாதனை படைத்து வருகிறது. 
வரவேற்பு
ராஜ்கமல் புரொடக்ஷன் தயாரிப்பில் இயக்குநர் ராஜ்குமார் பெரியசாமி இயக்கத்தில் நடிகர் சிவகார்த்திகேயன் நடித்துள்ள திரைப்படம் ‘அமரன்’. ‘முகுந்தன்’ என்ற கதாபாத்திரத்தில் ராணுவ வீரராக சிவகர்த்திகேயன் நடித்திருக்கும் இப்படத்தில் அவருக்கு ஜோடியாக சாய் பல்லவி நடித்துள்ளார். தீபாவளியை முன்னிட்டு உலகம் முழுவதும் வெளியான ‘அமரன்’ படத்திற்கு மக்களிடையே பெரும் ஆதரவு கிடைத்துள்ளது. 
சாதனை
‘அமரன்’ திரைப்படத்தை பார்த்து மகிழ்ந்த சூப்பர்ஸ்டார் ரஜினிகாந்த் படக்குழுவினரை நேரில் சந்தித்து தனது பாராட்டுகளையும், வாழ்த்தைகளையும் தெரிவித்தார். இதேபோல் லோகேஷ் கனகராஜ் உள்ளிட்ட திரைப்பிரபலங்களும் ‘அமரன்’ படக்குழுவினருக்கு வாழ்த்துக்களை தெரிவித்து வருகின்றனர். இந்நிலையில் ‘அமரன்’ திரைப்படம் வெளியாகி 3 நாட்களில் உலகளவில் வசூலில் ரூ.100 கோடியை கடந்துள்ளது. தமிழ்நாட்டில் மட்டும் ரூ.50 கோடியை வசூலித்துள்ளதாக தகவல் வெளியாகியுள்ளது. இத்திரைப்படம் வரும் நாட்களில் இன்னும் அதிகம் வசூலிக்கும் என எதிர்ப்பார்க்கப்படுகிறது.
