சிவகார்த்திகேயன் நடிப்பில் வெளியான ‘அமரன்’ திரைப்படத்தை பார்த்து மகிழ்ந்த சூப்பர்ஸ்டார் ரஜினிகாந்த் அப்படக்குழுவினரை நேரில் அழைத்து பாராட்டினார். 
வரவேற்பு
ராஜ்கமல் புரொடக்ஷன் தயாரிப்பில் இயக்குநர் ராஜ்குமார் பெரியசாமி இயக்கத்தில் நடிகர் சிவகார்த்திகேயன் நடித்துள்ள திரைப்படம் ‘அமரன்’. ‘முகுந்தன்’ என்ற கதாபாத்திரத்தில் ராணுவ வீரராக சிவகர்த்திகேயன் நடித்திருக்கும் இப்படத்தில் அவருக்கு ஜோடியாக சாய் பல்லவி நடித்துள்ளார். தீபாவளியை முன்னிட்டு உலகம் முழுவதும் வெளியான ‘அமரன்’ படத்திற்கு மக்களிடையே பெரும் ஆதரவு கிடைத்துள்ளது.
பாராட்டு
இந்நிலையில், அமரன் திரைப்படத்தை பார்த்து மகிழ்ந்த சூப்பர்ஸ்டார் ரஜினிகாந்த், கமல்ஹாசனை தொலைபேசியில் அழைத்து இப்படத்தை தயாரித்ததற்காக மனமார்ந்த பாராட்டுதல்களைத் தெரிவித்தார். அத்துடன், ‘அமரன்’ படத்தின் கதாநாயகன் சிவகார்த்திகேயன், இயக்குநர் ராஜ்குமார் பெரியசாமி, தயாரிப்பாளர் ஆர். மகேந்திரன், ஒளிப்பதிவாளர் சாய் உள்ளிட்ட படக்குழுவினரை நேரில் சந்தித்து தனது பாராட்டுகளையும், வாழ்த்தையும் தெரிவித்தார்.
