பிரபல யூடியூபர் இர்ஃபான் திருமண ஹல்தி பங்க்ஷன் நேற்று நடைபெற்ற நிலையில் அந்த புகைப்படங்கள் தற்போது இணையதளத்தில் வேகமாக பரவி வருகிறது.
ஹல்தி பங்க்ஷன்
யூடியூப் மூலம் பிரபலமான இர்ஃபான் தன்னுடைய திருமணம் பற்றி சமீபத்தில் அறிவித்திருந்தார். இந்நிலையில் திருமணத்திற்கு முந்தைய நாள் நடத்தப்படும் ஹல்தி பங்க்ஷன் நேற்று கொண்டாடப்பட்டு இருக்கிறது. இந்த ஃபங்ஷனில் சின்னத்திரை, வெள்ளித்திரை, யூடியூப் பிரபலங்கள் என பலரும் கலந்து கொண்டனர்.
குவிந்த பிரபலங்கள்
இர்ஃபானுக்கு கடந்த ஆண்டு ஜே ஷகலா பானுவுடன் நிச்சயதார்த்தம் நடந்தது. ஆனால் இருவருக்கும் ஒத்துப்போகாத காரணத்தினால் திருமணத்தை நிறுத்திவிட்டனர். தற்போது புதிய திருமண ஏற்பாடுகளில் பிஸியாக இருக்கிறார் இர்ஃபான். திருமண அழைப்பிதழ் வந்தவுடன், அதனை நேரில் குடும்பத்துடன் சென்று தமிழக ஆளுநர் ரவி மற்றும் நடிகர் கமல்ஹாசன் ஆகியொருக்கு கொடுத்து அழைப்பு விடுத்தார் இர்ஃபான். 
இப்போது தன்னுடைய ஹல்தி பங்க்ஷன் புகைப்படங்களை வெளியிட்டுள்ளார். யூடியூப் மூலம் பிரபலமான இவர் தற்போது படங்களிலும் நடித்து வருகிறார். நடிகர் கவின், அருண் மற்றும் அரவிந்த் என பிரபலங்கள் பலரும் இந்த நிகழ்ச்சியில் கலந்துகொண்டு ஆட்டம் பாட்டம் போட்டு கொண்டாடி மகிழ்ந்துள்ளனர். புகைப்படத்தை பார்த்த இவரது ரசிகர்களும், சினிமா பிரபலங்களும் இர்ஃபானுக்கு வாழ்த்துக்களை தெரிவித்து வருகின்றனர்.
