பாலிவுட்டில் சூப்பர் ஸ்டார் என அழைக்கப்படும் நடிகர் சல்மான் கான் தமிழில் அறிமுகமாகப்போவதாக தகவல் வெளிவந்துள்ளது.
படுதோல்வி
சமீபத்தில் சல்மான்கான் நடிப்பில் வெளியான “கிசி கா பாய் கிசி கா ஜான்” திரைப்படம் படுதோல்வியை அடைந்தது. இதுவரை சல்மான் கான் நடித்த படங்களிலேயே இந்த படம் தான் மிகக் குறைவான வசூலை பெற்றதாகவும் கூறுகின்றனர். இந்த திரைப்படம் தமிழில் அஜித் நடிப்பில் வெளியான “வீரம்” திரைப்படத்தின் ரீமேக் என்பது குறிப்பிடத்தக்கது. தமிழில் நல்ல வரவேற்பு பெற்ற இந்த திரைப்படத்தை தெலுங்கு, கன்னடத்திலும் ரீமிக்ஸ் செய்தனர். ஆனால் அதில் ஓரளவுக்கு வரவேற்பு பெற்ற இந்த படத்தை ஹிந்தியில் ரீமேக் செய்திருந்தனர். ஹிந்தி ரசிகர்களுக்கு இந்த கதை சுத்தமாக பிடிக்கவில்லை என்று தான் சொல்ல வேண்டும். சல்மான் கானின் நடிப்பும், அவருடைய நடனமும் சமூக வலைதளங்களில் நெட்டிசன்களால் ட்ரோல் செய்யப்பட்டு வந்தது. இந்த படத்தில் சல்மான்கானுக்கு ஜோடியாக நடிகை பூஜா ஹெக்டே நடித்திருந்தார். 
தமிழில் அறிமுகம்
இதனைத் தொடர்ந்து சல்மான்கான் நடிக்க இருக்கும் அடுத்த திரைப்படத்தை இயக்குநர் விஷ்ணுவர்தன் இயக்கப் போவதாக கூறுகின்றனர். அதுமட்டுமில்லாமல் இந்த திரைப்படத்தை கரண் ஜோர் தயாரிக்கப் போவதாகவும் தகவல் வெளிவந்துள்ளது. இந்த படத்தின் மூலம் சல்மான் கான் தமிழில் அறிமுகமாக போகிறார் என்பது குறிப்பிடத்தக்கது. ஹிந்தியில் சூப்பர் ஸ்டார் ஆக வலம் வரும் சல்மான் கானை, தமிழ் ரசிகர்கள் ஏற்றுக் கொள்வார்களா? இல்லையா? என்பதை பொறுத்திருந்து தான் பார்க்க வேண்டும்.
