நடிகை தான்யா ரவிச்சந்திரன் ரசிகர்களுடன் தனது பிறந்தநாளை கொண்டாடியுள்ளார்.
வளர்ந்து வரும் நடிகை
தமிழ் சினிமாவில் வளர்ந்து வரும் நடிகையாக இருப்பவர் நடிகை தான்யா ரவிச்சந்திரன். தமிழில் பலே வெள்ளையத்தேவா, பிருந்தாவனம் கருப்பன், மாயோன் உள்ளிட்ட சில படங்களில் நடித்துள்ளார். விஜய் சேதுபதியுடன் இவர் நடித்த கருப்பன் திரைப்படம் ரசிகர்கள் மத்தியில் நல்ல வரவேற்பை பெற்றது. கடந்தாண்டு இவரது நடிப்பில் வெளியான ‘நெஞ்சுக்கு நீதி’ திரைப்படமும் நல்ல விமர்சனங்களை பெற்றது. இந்த படத்தில் உதயநிதி ஸ்டாலின், பிக் பாஸ் ஆரி அர்ஜுனன் உள்ளிட்ட பலரும் நடித்திருந்ததும் குறிப்பிடத்தக்கது. அதன் பிறகு இவர் நடிப்பில் வெளியான அனைத்து படங்களும் கலவையான விமர்சனங்களையும் பெற்றது. கதை தேர்வு செய்வதில் கவனமாக இருக்கும் தான்யா, தனக்கேற்ற கதைகளை மட்டும் தேர்வு செய்து வருகிறார்.
குவியும் வாழ்த்துக்கள்
தான்யா ரவிச்சந்திரன் தனது பிறந்த நாளை ரசிகர்களுடன் இணைந்து கொண்டாடியுள்ளார். ரசிகர்களுக்கு உணவு பரிமாறியும், கேக் வெட்டியும், புகைப்படங்கள் எடுத்தும் தனது பிறந்த நாளை கொண்டாடியுள்ளார். தான்யா ரவிச்சந்திரனின் பிறந்தநாள் புகைப்படங்கள் தற்போது சமூக வலைதளங்களில் வேகமாக பரவி வருகின்றது. இதனை பார்த்த ரசிகர்கள் தான்யாவிற்கு பிறந்தநாள் வாழ்த்துக்களை கூறி வருகின்றனர்.
