“ஸ்பைடர் மேன்” அக்ராஸ்ட் தி ஸ்பைடர் வெர்ஸ்” திரைப்படம் பத்து மொழிகளில் வெளியாக உள்ளது.
வெறித்தனமான ரசிகர்கள்
சூப்பர் ஹீரோ படமான ஸ்பைடர் மேன் படங்களுக்கு ரசிகர்கள் மத்தியில் எப்பொழுதுமே வரவேற்பு அதிகம். குழந்தைகள் முதல் பெரியவர்கள் வரை கவர்ந்துள்ள ஸ்பைடர் மேன் திரைப்படத்தை தற்போது பான் இந்தியா திரைப்படமாக வெளியிட உள்ளனர். “ஸ்பைடர் மேன்” அக்ராஸ்ட் தி ஸ்பைடர் வெர்ஸ்” திரைப்படம் தமிழ், ஆங்கிலம், ஹிந்தி, தெலுங்கு, கன்னடம், மலையாளம், குஜராத்தி, மராட்டி, பஞ்சாபி மற்றும் பெங்காலி மொழிகளில் திரையரங்குகளில் வெளியாக உள்ளது. இந்திய சினிமா வரலாற்றிலேயே முதல் முறையாக ஸ்பைடர் மேன் சீரிஸ் திரைப்படம் பத்து வெவ்வேறு மொழிகளில் திரையரங்குகளில் வெளியிடப்படுவது இதுவே முதல் முறையாகும். 
சூப்பர் ஹீரோ
இதுகுறித்து சோனி பிக்சர்ஸ் ரீலிங் இன்டர்நேஷனல் இந்திய தலைவர் சோனி பஞ்சிகரன் கூறுகையில், “ஸ்பைடர் மேன் இந்தியாவில் அனைவராலும் மிகவும் விரும்பப்படும் சூப்பர் ஹீரோ. ஸ்பைடர் மேன் படங்கள் வெளிவரும்போது நாடு முழுவதும் கொண்டாட்டமாக அமைகிறது. இறுதியாக வந்த ஸ்பைடர் மேன் ‘நோ வே ஹோம்’, ஸ்பைடர் மேனின் ரசிகர்களை தீவிர ரசிகர்களாக மாற்றியது.
பெருமையாக உள்ளது
தற்போது பிராந்திய மொழிகளின் உள்ளடக்கத்தின் தாக்கம் அதிகரித்து வருவதால், இந்தியாவில் உள்ள ஒவ்வொரு குடும்பமும் தங்களுக்குப் பிடித்த சூப்பர் ஹீரோவை சொந்த மொழியில் கண்டு அனுபவிக்க வேண்டும் என்று நாங்கள் விரும்புகிறோம். அதற்காக ‘ஸ்பைடர் மேன்: அக்ராஸ் தே ஸ்பைடர் வெர்ஸ்’ திரைப்படத்தை 10 மொழிகளில் வெளியிடுவதில் பெருமிதம் கொள்கிறோம். இந்தியா ஸ்பைடர் மேனை விரும்புகிறது, எனவே இவ்வெளியீடு எங்களுக்கு மிகவும் சிறப்பு வாய்ந்தது. நாடு முழுவதும் உள்ள பார்வையாளர்கள் இப்படத்தை மிகவும் விரும்புவார்கள் என்று நாங்கள் நம்புகிறோம்” என்று கூறியுள்ளார். “ஸ்பைடர் மேன் அக்ராஸ்ட் தி ஸ்பைடர் வெர்ஸ்” படத்தை காண ரசிகர்கள் ஆர்வமாக இருக்கிறார்கள்.
