சாகுந்தலம் படத்தை பார்த்து நெகிழ்ந்த நடிகை சமந்தா சமூக வலைதளத்தில் தனது மகிழ்ச்சியை பகிர்ந்துள்ளார்.
படம் பார்த்த சமந்தா
தமிழ் மற்றும் தெலுங்கு சினிமாவில் முன்னணி நடிகையாக இருந்து வருபவர் நடிகை சமந்தா. தற்போது சாகுந்தலம் படத்தில் நடித்து முடித்துள்ளார். பல்வேறு காரணங்களால் இப்படத்தின் ரிலீஸ் தேதியும் மாற்றப்பட்டு வந்த நிலையில், சமீபத்தில் ஏப்ரல் 14ஆம் தேதி இந்த திரைப்படம் வெளியாகும் என்ற அறிவிப்பை இப்படக்குழு வெளியிட்டு இருந்தது. காளிதாசர் எழுதிய சாகுந்தலம் என்ற புராண கதையை மையப்படுத்தி எடுக்கப்பட்டுள்ள இந்த திரைப்படத்தில், சாகுந்தலையாக சமந்தாவும், துஷியந்தனாக தேவ்மோனும் நடித்துள்ளனர். சமீபத்தில் இந்த படத்தை முழுமையாக பார்த்த சமந்தா, தனது சந்தோஷத்தை பகிர்ந்து உள்ளார்.
சந்தோஷத்தில் சமந்தா
இதுதொடர்பாக இன்ஸ்டா பக்கத்தில் நடிகை சமந்தா வெளியிட்டுள்ள பதிவில்; “சாகுந்தலம், அருமையான படம். குணசேகர் சார் என் இதயத்தை வென்றுவிட்டீர்கள். நமது காவியங்களில் ஒன்றான இந்தக் கதையை அழகாக எடுத்திருக்கிறீர்கள். இதன் உணர்ச்சிகரமான காட்சிகளைக் கண்டு பார்வையாளர்கள் குடும்பமாக நிச்சயம் மகிழ்வார்கள். குழந்தைகளும் இந்த மாய உலகத்தை ரசிக்கப் போகிறார்கள். இந்த அற்புதமான பயணத்துக்காக, தில் ராஜுக்கும், நீலிமாவுக்கும் நன்றி. இந்தப் படம் எப்போதும் எனக்கு நெருக்கமான படமாக இருக்கும்” என்று குறிப்பிட்டுள்ளார். சமந்தாவின் ரசிகர்களும் இந்த படத்திற்காக காத்துக்கொண்டு இருக்கின்றனர்.
