தமிழ் சினிமாவில் பிரபல நடிகையாக வலம் வந்தவர் நடிகை ஹன்சிகா மோத்வானி. தமிழ் மட்டுமின்றி தெலுங்கு மற்றும் இந்திப் படங்களிலும் நடித்து வந்தார். இந்நிலையில் தனது நீண்ட நாள் நண்பரும் பிஸ்னஸ் பார்ட்னருமான சோகெல் கதூரியாவை கடந்த சில ஆண்டுகளாக ஹன்சிகா காதலித்து வந்தார்.கடந்த வாரம் திருமணத்திற்கான சடங்குகள் தொடங்கிய நிலையில், நேற்று ஹன்சிகா மோத்வானிக்கும் சோகெல் கதூரியாவுக்கும் ஜெய்பூர் முண்டேடா அரண்மனையில் பிரம்மாண்டமாக திருமணம் நடைபெற்றது. இவர்களது திருமண புகைப்படங்கள் இணையத்தில் வைரலாகி வரும் வேலையில், திரையுலக பிரபலங்களும், ரசிகர்களும் வாழ்த்துக்களை தெரிவித்து வருகின்றனர்.
