மகிழ் திருமேணி இயக்கத்தில் உதயநிதி ஸ்டாலின் நடித்துள்ள திரைப்படம் ‘கலகத் தலைவன்’. பிக்பாஸ் பிரபலம் ஆரவ் வில்லனாக நடித்திருக்கும் இப்படத்தில், உதயநிதி ஸ்டாலினுக்கு ஜோடியாக நிதி அகர்வால் நடித்துள்ளார். வருகிற நவம்பர் 18-ம் தேதி ‘கலகத் தலைவன்’ திரைப்படம் திரையரங்குகளில் ரிலீசாக உள்ளது. இந்த நிலையில், இப்படத்தின் டிரெய்லர் மற்றும் இசை வெளியீட்டு விழா சென்னையில் நடைபெற்றது. இதில் பங்கேற்று பேசிய படத்தின் இயக்குநர் மகிழ் திருமேணி, உதயநிதி எப்போதும் பணிவாக இருப்பவர் என்றும் அதனால்தான் அவர் இந்த உயரத்தில் இருக்கிறார் எனவும் கூறினார். இந்த படம் ரசிகர்களை ஏமாற்றாது எனத் தெவித்த அவர், சொன்னபடி 70 நாட்களில் படத்தை முடித்திருப்பதாக குறிப்பிட்டார்.
