லெஜெண்ட் சரவணன் சூப்பர் ஸ்டாருடன் இருக்கும் புகைப்படம் அனைவரின் கவனத்தையும் ஈர்த்து வருகிறது.
சினிமா அறிமுகம்
சரவணா ஸ்டோர் குழுமத்தின் உரிமையாளரின் மகனான லெஜெண்ட் சரவணன் ‘தி லெஜண்ட்’ படத்தின் மூலம் தமிழ் சினிமாவிற்கு அறிமுகமானார். இப்படம் கடந்த 28-ம் தேதி தமிழ், தெலுங்கு, இந்தி உள்ளிட்ட 5 மொழிகளில் திரையரங்குகளில் வெளியானது. ஜே.டி – ஜெரி இயக்கியிருந்த இப்படத்தில் பாலிவுட் நடிகை ஊர்வசி ராவ்டேலா கதாநாயகியாக நடித்திருந்தார். ஹாரிஸ் ஜெயராஜ் இசையில் பெரும் எதிர்பார்ப்புக்கு மத்தியில் வெளியான இப்படம் ரசிகர்களிடம் வரவேற்பை பெற்றது.
கவனத்தை ஈர்க்கும் புகைப்படம்
இந்த நிலையில், சமூக வலைத்தளத்தில் ஆக்டிவாக இருக்கும் லெஜெண்ட் சரவணன் தற்போது தனது டுவிட்டர் பக்கத்தில் ஒரு பதிவை பதிவிட்டுள்ளார். அதில் “சூப்பர் ஸ்டாருடன் தருணங்கள்” என குறிப்பிட்டு ரஜினியுடன் இருக்கும் புகைப்படங்களை யவர் பகிர்ந்துள்ளார். இப்புகைப்படம் எந்த நிகழ்வில் எடுத்தது பற்றிய தகவல் அவர் வெளியிடவில்லை. இருப்பினும் லெஜெண்ட் சரவணன் – ரஜினிகாந்த் புகைப்படம் சமூக வலைத்தளத்தில் பலரது கவனத்தை ஈர்த்து வருகிறது.
