விஜய் நடிப்பில் வெளியான தெறி படத்தின் இந்தி ரீமேக்கான ‘பேபி ஜான்’ பட டீசர் ரசிகர்களிடம் பெரும் வரவேற்பை பெற்று வருகிறது.
ரீமேக்
அட்லி இயக்கத்தில் விஜய் நடிப்பில் கடந்த 2016ம் ஆண்டு வெளியான திரைப்படம் ‘தெறி’. மிகப்பெரிய வெற்றி பெற்ற இப்படம், தற்போது ‘பேபி ஜான்’ என்ற பெயரில் இந்தியில் உருவாகி வருகிறது. அட்லி மற்றும் அவரது மனைவி பிரியாவின் ஏ பார் ஆப்பிள் ஸ்டுடியோஸ், ஜியோ ஸ்டுடியோஸ் மற்றும் சினி-1 ஸ்டுடியோஸ் ஆகியவை இணைந்து தயாரிக்கும் இப்படத்தை, அட்லியின் உதவி இயக்குனர்களில் ஒருவரான காளிஸ் இயக்குகிறார்.
மிரட்டல் காட்சிகள்
‘பேபி ஜான்’ படத்தில் விஜய் நடித்த வேடத்தில் பாலிவுட் நடிகர் வருண் தவான் நடிக்கிறார். நாயகிகளாக கீர்த்தி சுரேஷ் மற்றும் வாமிகா கபி ஆகியோர் நடித்துள்ளனர். இந்த நிலையில், படத்தின் டீசரை தயாரிப்பு நிறுவனம் வெளியிட்டுள்ளது. தெறி படத்தின் டீசரை விட ‘பேபி ஜான்’ பட டீசர் மிரட்டலாக இருப்பதாக ரசிகர்கள் கருத்து தெரிவித்து வருகின்றனர். இந்த டீசர் தற்போது இணையத்தில் வைரலாகி வருகிறது. ‘பேபி ஜான்’ திரைப்படம் டிசம்பர் மாதம் 25ஆம் தேதி திரைக்கு வர இருக்கிறது.
