எஸ் ஜே சூர்யா இயக்கத்தில் விஜய், ஜோதிகா உள்ளிட்ட பலர் நடிப்பில் வெளியான குஷி திரைப்படம் வெளியாகி இன்றுடன் 23 ஆண்டுகள் நிறைவடைந்துள்ளது.
ப்ளாக் பஸ்டர் ஹிட்
எஸ் ஜே சூர்யா இயக்கத்தில் விஜய், ஜோதிகா உள்ளிட்ட பலர் நடிப்பில் வெளியான குஷி திரைப்படம் வெளியாகி இன்றுடன் 23 ஆண்டுகள் நிறைவடைந்துள்ளது. இந்த திரைப்படத்தில் விஜயகுமார், மும்தாஜ், விவேக், நிழல்கள் ரவி உள்ளிட்ட பலரும் துணை கதாபாத்திரத்தில் நடித்திருந்தனர். மார்ச் 19, 2000 ஆம் ஆண்டு வெளியான இந்த திரைப்படம் பிளாக்பஸ்டர் ஹெட் பெற்றது. தமிழில் வெற்றி பெற்ற இந்த திரைப்படத்தை தெலுங்கு, ஹிந்தி, கன்னடம் என பல மொழியிலும் ரீமேக் செய்தனர்.
என்றும் இளமை
இயக்குநராக எஸ்.ஜே சூர்யாவுக்கு இந்த திரைப்படம் மிகப்பெரிய வெற்றியை கொடுத்தது. இசையமைப்பாளர் தேவா இசையில் இந்தப்படத்தில் இடம் பெற்றிருந்த அனைத்து பாடல்களும் சூப்பர் ஹிட் ஆனதும் குறிப்பிடத்தக்கது. விஜய்யின் நடிப்பு, ஜோதிகாவின் துருதுரு ரியாக்ஷன், விவேக் காமெடி, விஜயகுமார் எதார்த்தமான பேச்சு, என இப்படத்தில் அமைந்த அனைத்து அம்சங்களும் இப்படத்திற்கு ஒன்று சேர்ந்து சூப்பர் ஹிட் படமாக அமைய காரணமாக இருந்தது. ஃபேமிலி என்டர்டைன்மென்ட் படமாக உருவான இந்த திரைப்படம் இன்றும் ரசிகர்கள் மனதில் நீங்காத இடத்தை பிடித்துள்ளது. இந்த திரைப்படம் வெளியாகி 23 ஆண்டுகள் நிறைவு பெற்றதை தொடர்ந்து 23 years of kushi என்ற ஹேஷ் டேகை ரசிகர்கள் ட்ரெண்டாக்கி வருகின்றனர்.
