தமிழக அரசின் கொரோனா விதிமுறைகளை முறையாக பின்பற்ற வேண்டுமென பொதுமக்களுக்கு நடிகர் சிவகார்த்திகேயன் வேண்டுகோள் விடுத்துள்ளார். கொரோனா விழிப்புணர்வு வீடியோ ஒன்றில் பேசிய சிவகார்த்திகேயன், கொரோனாவில் இருந்து மீள அனைவரும் தடுப்பூசி போட்டுக் கொள்வது மட்டும்தான் ஒரே வழி எனவும் தான் கொரோனா முதல் டோஸை செலுத்திக் கொண்டேன் எனவும் கூறியுள்ளார். மாஸ்க் போடுங்க, கைகளை அடிக்கடி சுத்தமாக கழுவுங்க, வெளியே தேவையில்லாமல் போக வேண்டாம், சமூக இடைவெளியை கடைபிடிங்க போன்ற அரசு கூறும் வழிமுறைகளை முறையாக கடைபிடிக்க வேண்டும் எனக் கேட்டுக்கொண்ட அவர், அப்போது தான் இந்த கொரோனா போரில் வெல்ல முடியும் எனவும் உருக்கமாக பேசியுள்ளார்.
