சென்னை தனியார் பள்ளி ஆசிரியர் ராஜகோபாலன் மாணவிகளிடம் பாலியல் தொடர்பான அத்துமீறலில் ஈடுபட்ட விவகாரம் வெளியாகி பெரும் பரபரப்பை ஏற்படுத்தி உள்ளது. இந்த விவகாரம் குறித்து திரையுலகினர் பலர் கருத்துகளையும், கண்டனங்களையும் பதிவு செய்து வருகின்றனர். இந்நிலையில் 96, மாஸ்டர், கர்ணன் போன்ற படங்களில் நடித்து பிரபலமான நடிகை கவுரி கிஷன், தான் பள்ளியில் படித்தபோது எதிர்கொண்ட கசப்பான அனுபவங்களை பகிர்ந்துள்ளார். தான் படித்தபோது ஆசிரியர்கள் சிலர் மாணவ – மாணவிகளை அசிங்கமாக பேசுவது, மிரட்டுவது, உடல் அமைப்பை கிண்டல் செய்வது, ஆதாரமில்லா குற்றச்சாட்டுகளை சுமத்துவது போன்ற கொடுமைகளை தான் மட்டுமல்லாது தன்னுடன் படித்த அனைவரும் எதிர்கொண்டதாக கூறியுள்ளார்.
